ബെംഗളൂരു: ലോകമെമ്പാടുമുള്ള മലയാളികള് സംസ്കാരവും ഭാഷയും അടുത്ത തലമുറയിലേക്ക് പകര്ന്നു നല്കണമെന്നും മലയാളികള് സ്വത്വബോധമുള്ളവരാകണമെന്നും കവി മുരുകന് കാട്ടാക്കട അഭിപ്രായപ്പെട്ടു. കേരള സമാജം മാഗഡി റോഡ് സോണ് ഓണാഘോഷം എസ് ജി മാര്യേജ് ഹാളില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സോണ് ചെയര്മാന് അനില്കുമാര് ആര് അധ്യക്ഷത വഹിച്ചു. സിനിമ താരം സരയൂ മോഹന്, കേരള സമാജം പ്രസിഡന്റ് എം ഹനീഫ്, ജനറല് സെക്രട്ടറി റജികുമാര്, ട്രഷറര് ജോര്ജ് തോമസ് , കെ എന് ഇ ട്രസ്റ്റ് പ്രസിഡന്റ് സി ഗോപിനാഥന്, സോണ് കണ്വീനര് ലിജു പി കെ, ആഘോഷ കമ്മറ്റി ചെയര്മാന് സനല് കുമാര്, വനിതാ വിഭാഗം ചെയര്പേഴ്സണ് ഓമന കവിരാജ് തുടങ്ങിയവര് സംബന്ധിച്ചു.
കലാപരിപാടികള്, ഓണസദ്യ, സിനിമ പിന്നണി ഗായിക രഞ്ജിനി ജോസ്, സ്റ്റാര് സിങ്ങര് വിവേകാനന്ദന്, ബല്റാം, പ്രദീപ് പള്ളിപ്ര എന്നിവര് അവതരിപ്പിച്ച ഗാനമേള എന്നിവ നടന്നു.
SUMMARY: Kerala Samajam Magadi Road Zone Onam Celebration
WhatsApp
Telegram
