ഡല്ഹി: ഡല്ഹി ചെങ്കോട്ടയില് നടന്ന സ്ഫോടനത്തില് പൊട്ടിത്തെറിച്ച കാർ പുല്വാമ സ്വദേശിക്ക് വിറ്റ ഡീലർ അറസ്റ്റില്. കാർ ഡീലർ സോനുവാണ് അറസ്റ്റിലായത്. പൊട്ടിത്തെറിച്ച കാറില് ഉണ്ടായിരുന്നത് 70 കിലോ സ്ഫോടകവസ്തുക്കളാണ്. ഫോറൻസിക് പരിശോധനയില് അമോണിയം നൈട്രേറ്റിന്റെ സാന്നിധ്യം കണ്ടെത്തിയിട്ടുണ്ട്.
സംഭവത്തില് ദേശീയ അന്വേഷണ ഏജൻസി അന്വേഷണം ഊർജിതമാക്കിയിട്ടുണ്ട്. ചെങ്കോട്ട സ്ഫോടനത്തില് 15 പേർ അറസ്റ്റിലായത്. കാര്വിറ്റ ഡീലര് ഉള്പ്പടെ മൂന്ന് പേരെ കൂടി അന്വേഷണ സംഘം കസ്റ്റഡിയിലെടുത്തിട്ടുണ്ട്. ചാവേര് ആക്രമണത്തിന് സാധ്യത കുറവ് എന്നാണ് രഹസ്യാന്വേഷണ ഉന്നത വൃത്തങ്ങള് ചൂണ്ടിക്കാട്ടുന്നത്.
സ്ഫോടകവസ്തു അബദ്ധത്തില് പൊട്ടിത്തെറിച്ചിരിക്കാന് സാധ്യത കൂടുതലെന്നാണ് നിഗമനം. ഫരീദാബാദില് ഭീകര സംഘത്തെ പിടികൂടിയത്തോടെ പരിഭ്രാന്തിയില് ഉമർ കാറില് സ്ഫോടക വസ്തുക്കള് മറ്റൊരിടത്തേക്കു മാറ്റുന്നതിനിടെ പൊട്ടിത്തെറി ഉണ്ടായെന്നാണ് നിഗമനം. അതേസമയം, ഇത് പ്രാഥമിക വിലയിരുത്തലുകള് ആണെന്നും എല്ലാ സാധ്യതകളും പരിശോധിച്ച് വരികയാണെന്നും അന്വേഷണ ഏജൻസികള് അറിയിച്ചു.
SUMMARY: Delhi blast: Car dealer arrested
WhatsApp
Telegram
