ഗതാഗത നിയമ ലംഘന പിഴയിൽ 50% ഇളവ്; ഒരാഴ്ചയ്ക്കുള്ളിൽ 5.98 കോടി ലഭിച്ചു, തീർപ്പാക്കിയത് 2.25 ലക്ഷം കേസുകൾ

ബെംഗളൂരു: ഗതാഗതനിയമലംഘനവുമായി ബന്ധപ്പെട്ട കേസുകളിൽ ഇളവ് അനുവദിച്ചതോടെ പിഴഇനത്തിൽ ഒരാഴ്ചയ്ക്കുള്ളിൽ കുടിശ്ശികയുള്ള 5.98 കോടി രൂപ ലഭിച്ചതായി ബെംഗളൂരു ട്രാഫിക് പോലീസ്. 2.25 ലക്ഷം കേസുകൾ തീർപ്പാക്കാനും സാധിച്ചു.ബെംഗളൂരു നഗരത്തിലെമാത്രം കണക്കാണിത്. സംസ്ഥാനത്ത് മുഴുവൻ ഗതാഗത നിയമലംഘന പിഴകൾക്കാണ് സർക്കാർ 50 ശതമാനം ഇളവുപ്രഖ്യാപിച്ചത്.

ഡിസംബർ 12 വരെയാണ് ഇളവ്. കർണാടക ‌സ്റ്റേറ്റ് പോലീസ് (കെ എസ്‌പി) ആപ്, ബെംഗളൂരു ട്രഫിക് പോലീസ് ആസ്ട്രാം ആപ്, കർണാടക വൺ, ബെംഗളൂരു വൺ പോർട്ടലുകൾ എന്നിവ വഴി പിഴത്തുക അടയ്ക്കാം. 1991-92 സാമ്പത്തിക വർഷത്തിനും 2019-20 വർഷത്തിനും ഇടയിലുള്ള പിഴ കുടിശ്ശികയ്ക്കാണ് ഇളവ്.
SUMMARY: 50% discount on traffic violation fines; Rs 5.98 crore received in a week, 2.25 lakh cases settled