കോ​വ​ളം സ്പാ ​പീ​ഡ​ന​ക്കേ​സ്; വ​നി​താ ഹെ​ൽ​ത്ത് ഇ​ൻ​സ്പെ​ക്ട​ർ അ​റ​സ്റ്റി​ൽ

തിരുവനന്തപുരം: കോവളം സ്പാ പീഡനക്കേസിൽ ഇടനിലക്കാരിയായി പ്രവർത്തിച്ചിരുന്ന വനിതയെ പോലീസ് അറസ്റ്റ് ചെയ്തു. നഗരൂർ ആരോഗ്യകേന്ദ്രത്തിലെ താൽക്കാലിക ജൂനിയർ ഹെൽത്ത് ഇൻസ്പെക്ടർ വി. മായയെ (42) ആണ് കോവളം പോലീസ് അറസ്റ്റ് ചെയ്തത്. ആ​ന്ധ്ര​പ്ര​ദേ​ശ് സ്വ​ദേ​ശി​യാ​യ പെ​ൺ​കു​ട്ടി​യെ​യാ​ണ് പീ​ഡി​പ്പി​ച്ച​ത്. കേസിൽ അറസ്റ്റിലായ ഹെൽത്ത് ഇൻസ്പെക്ടർ അനുരൂപിന്റെ അടുത്ത സുഹൃത്താണ് മായ. ഇതോടെ കേസിൽ അറസ്റ്റിലായവരുടെ എണ്ണം ആറായി.

പെ​ൺ​കു​ട്ടി​യെ കാ​ണാ​നി​ല്ലെ​ന്ന പ​രാ​തി​യി​ൽ പോ​ലി​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഞെ​ട്ടി​ക്കു​ന്ന പീ​ഡ​നം പു​റ​ത്ത​റി​ഞ്ഞ​ത്. പെ​ൺ​കു​ട്ടി​യെ പോ​ലി​സ് ക​ണ്ടെ​ത്തി കോ​ട​തി​യി​ൽ ഹാ​ജ​രാ​ക്കി​യ​പ്പോ​ൾ പ​രാ​തി​ക്കാ​ർ സ​മ​ർ​പ്പി​ച്ച രേ​ഖ​ക​ളി​ൽ 20 വ​യ​സാ​യി​രു​ന്നു. ഇ​തി​ൽ സം​ശ​യം തോ​ന്നി​യ പോ​ലീ​സ് പെ​ൺ​കു​ട്ടി പ​ഠി​ച്ച സ്കൂ​ളി​ന്‍റെ വി​ലാ​സം ക​ണ്ടെ​ത്തി വി​വ​ര​ങ്ങ​ൾ തേ​ടി​തോ​ടെ​യാ​ണ് പെ​ൺ​കു​ട്ടി​യു​ടെ പ്രാ​യം 16 വ​യ​സാ​ണെ​ന്ന് തെ​ളി​ഞ്ഞ​ത്.

തു​ട​ർ​ന്ന് കൗ​ൺ​സി​ലി​ങ്ങി​ന് വി​ധേ​യ​യാ​ക്കി​യ​തോ​ടെ​യാ​ണ് പീ​ഡ​ന​വി​വ​രം പു​റ​ത്ത​റി​ഞ്ഞ​ത്. കോ​വ​ള​ത്തെ സ്പാ ​ന​ട​ത്തി​പ്പു​കാ​രാ​യ നി​ശാ​ന്ത്, സ​ജി​ത്ത് കു​മാ​ർ എ​ന്നി​വ​രാ​ണ് കേ​സി​ൽ ആ​ദ്യം അ​റ​സ്റ്റി​ലാ​യ​ത്. ഇ​തി​നു​പി​ന്നാ​ലെ​യാ​ണ് നി​ശാ​ന്തി​ന്‍റെ സ്പാ​യു​ടെ ഉ​ട​മ ഹെ​ൽ​ത്ത് ഇ​ൻ​സ്പെ​ക്ട​റാ​യ അ​നു​രൂ​പാ​ണെ​ന്ന് ക​ണ്ടെ​ത്തി​യ​ത്. തു​ട​ർ​ന്ന് ഇ​യാ​ളെ​യും പോലിസ് പി​ടി​കൂ​ടി​.  ഒരുവർഷമായി മായയും അനുരൂപും സൗഹൃദത്തിലായിരുന്നുവെന്നാണ് പോലീസ് പറയുന്നത്. അനുരൂപിന്റെ ഫോണിൽനിന്ന് ലഭിച്ച തെളിവുകളുടെ അടിസ്ഥാനത്തിലാണ് മായയെ അറസ്റ്റ് ചെയ്തത്. സ്പാ നടത്തിപ്പുകാരിൽനിന്ന് ലഭിക്കുന്ന വരുമാനത്തിന്റെ ഒരു പങ്ക് മായയുടെ അക്കൗണ്ടിലേക്ക് എത്തിയിരുന്നതായും പോലീസ് കണ്ടെത്തിയിട്ടുണ്ട്. പ്രായപൂർത്തിയാകാത്ത ആന്ധ്ര സ്വദേശിനിയായ പെൺകുട്ടിയെ സ്പായിലെത്തിച്ച ഇളയമ്മയെയും ഇവരോടൊപ്പം താമസിച്ചിരുന്ന യുവാവിനെയും ആന്ധ്രയിൽനിന്ന് അറസ്റ്റ് ചെയ്തിരുന്നു. സ്പാ നടത്തിപ്പുകാരായ സജിത്ത് കുമാർ (47), നിഷാന്ത് (46) എന്നിവരും കേസിൽ അറസ്റ്റിലായിട്ടുണ്ട്.
SUMMARY:Kovalam spa abuse case: Female Health Inspector arrested