കൊല്ലം: ശബരിമല സ്വർണക്കൊള്ള കേസില് ദേവസ്വം ബോർഡ് മുൻ പ്രസിഡന്റ് എൻ. വാസുവിന് ജാമ്യമില്ല. കൊല്ലം വിജിലൻസ് കോടതിയാണ് ജാമ്യാപേക്ഷ തള്ളിയത്. കഴിഞ്ഞയാഴ്ച വിശദമായി വാദം കേട്ട ശേഷം വിധി പറയാൻ ഇന്നത്തേക്ക് മാറ്റുകയായിരുന്നു. വാസുവിന് ജാമ്യം നല്കുന്നതിനെ എസ്ഐടി എതിർത്തിരുന്നു. ഇത് പരിഗണിച്ചാണ് കോടതി നടപടി.
സ്വർണക്കൊള്ളയില് വാസുവിന് പങ്കുണ്ടെന്നായിരുന്നു പ്രത്യേക അന്വേഷണസംഘത്തിൻ്റെ കണ്ടെത്തല്. എന്നാല് സ്വർണപ്പാളികള് ഉണ്ണികൃഷ്ണൻ പോറ്റിയുടെ കൈവശം കൊടുത്തുവിട്ടതില് തനിക്ക് പങ്കില്ലെന്നായിരുന്നു വാസുവിന്റെ വാദം. താൻ വിരമിച്ച ശേഷമാണ് പാളികള് കൈമാറിയത്. ബോർഡിന്റെ ഉത്തരവ് ഇറങ്ങിയപ്പോഴും താൻ ചുമതലയില് ഉണ്ടായിരുന്നില്ലെന്നും വാസു കോടതിയില് വ്യക്തമാക്കിയിരുന്നു. എന്നാല് ഈ വാദങ്ങള് കോടതി അംഗീകരിച്ചില്ല.
SUMMARY: Sabarimala gold theft case: N Vasu denied bail
WhatsApp
Telegram
