കോട്ടയം: തന്റെ യൂട്യൂബ് ചാനലിലൂടെ ഭാവി വരന്‍ ആരെന്ന് വെളിപ്പെടുത്തി അവതാരകയും ചലച്ചിത്ര പിന്നണി ഗായികയുമായ റിമി ടോമി. തന്റെ യൂട്യൂബ് ചാനലില്‍ പങ്കുവച്ച വീഡിയോയിലാണ് റിമി ഇക്കാര്യം വ്യക്തമാക്കിയത്. ഉടൻ വിവാഹമുണ്ടാകുമെന്ന് കഴിഞ്ഞദിവസം റിമി പറഞ്ഞിരുന്നു. പിന്നാലെയാണ് വരനെക്കുറിച്ചുള്ള വിവരങ്ങള്‍ ഗായിക പങ്കുവച്ചത്. ‘ഒരുപാട് സന്തോഷമുണ്ട് വീണ്ടും വിവാഹിതയാകാൻ പോകുന്നുവെന്ന വാർത്ത കണ്ട് ഒരുപാട് പേർ സപ്പോർട്ട് ചെയ്തു.
വളരെ സന്തോഷം തോന്നി. ഞാൻ ഹാപ്പിയായി ഇരിക്കണമെന്ന് ഒരുപാട് പേർ ആഗ്രഹിക്കുന്നുണ്ടെന്ന് മനസിലായി. ഈ മാസമാണ് വിവാഹം. വരൻ മുംബയില്‍ നിന്നാണ്. മലയാളിയാണ്. മുംബൈയില്‍ നിന്ന് വരനെ കണ്ടെത്തിയ കഥ പിന്നെ പറയാം.ബോഡിബില്‍ഡറും എന്റെ ട്രെയിനറുമായ ലിബിൻ മാത്യുവാണ് ചെറുക്കൻ. മാർച്ച്‌ 10നാണ് ഞങ്ങള്‍ ആദ്യം ഫോണിലൂടെ സംസാരിക്കുന്നത്. മാർച്ച്‌ 14നാണ് ആദ്യം കാണുന്നത്. ആദ്യമായി കാണുന്നതിന് മുൻപ് തന്നെ ഫോണിലൂടെ സംസാരിച്ച്‌ ഇഷ്ടത്തിലായി.
ഒരാളോട് സംസാരിക്കുമ്പോള്‍ ഒരു അടുപ്പം തോന്നില്ലേ? അത് എനിക്ക് തോന്നി. ആദ്യം തന്നെ ഞങ്ങള്‍ വിവാഹത്തെക്കുറിച്ചാണ് സംസാരിച്ചത്. അദ്ദേഹത്തോടൊപ്പം നില്‍ക്കുമ്പോള്‍ ഒരു ധൈര്യവും സമാധാനവും പോസിറ്റിവിറ്റിയും ലഭിക്കുന്നുണ്ട്. എന്തുവന്നാലും കൂടെ ഉണ്ടെന്ന ധൈര്യം ലിബിന്റെ ഭാഗത്തുനിന്നും ഉണ്ട്. മുംബയിലെ ഡോംബിവ്‌ലിയിലാണ് വിവാഹം. പള്ളിയില്‍ വച്ച്‌ ചെറിയ ഒരു ചടങ്ങായാണ് വിവാഹം നടത്തുന്നത്. ലിബിൻ വളരെ നല്ലൊരാളാണ്. എന്റെ മുൻ ഭർത്താവിനെക്കുറിച്ച്‌ കുറച്ച്‌ പോസ്റ്റുകള്‍ ഞാൻ കണ്ടു. അദ്ദേഹവും ഞാനും ഒരുമിച്ച്‌ എടുത്ത തീരുമാനമാണ്. ദയവ് ചെയ്ത് അദ്ദേഹത്തെ ഇതിലേക്ക് വലിച്ചിഴയ്ക്കരുത്’- റിമി വ്യക്തമാക്കി.
SUMMARY: Singer Rimi Tomy to marry in November; groom is a fitness trainer
