ബെംഗളൂരു: മലയാളി കലാകാരൻമാരുടെ ചുവര് ചിത്രങ്ങളുടെ പ്രദർശനം ‘വൈബ്രന്റ് ഹ്യൂസ്’ ചിത്രകലാപരിഷത്ത് ആർട്ട് ഗാലറിയിൽ ആരംഭിച്ചു. പ്രദർശനത്തിന്റെ ഉദ്ഘാടനം ബാംഗ്ലൂർ കേരളസമാജം ജനറൽ സെക്രട്ടറി റെജികുമാർ നിർവഹിച്ചു. അസിസ്റ്റന്റ് സെക്രട്ടറി മുരളീധരൻ, തോമസ് പയ്യപ്പള്ളി, സുധ സുധീർ, ദിവ്യ മുരളി എന്നിവർ പങ്കെടുത്തു.
രാജൻ മാടായി (പഴയങ്ങാടി), രാജേഷ് പൊയിൽ (പയ്യന്നൂർ), എൻ.കുഞ്ഞിക്കണ്ണൻ (വടകര), സുലോചന (മാഹി), ചിത്രാ അനിരുദ്ധൻ (മാടായി), ശുഭശ്രീ റീന (മാഹി), സ്മിത ദാമോദരൻ (കൂത്തുപറമ്പ്), ലത ബാലകൃഷ്ണൻ (കാഞ്ഞങ്ങാട്) എന്നിവ 8പേരുടെ 60 ചിത്രങ്ങളാണ് പ്രദർശനത്തിലുള്ളത്.
മാഹി കലാഗ്രാമത്തിലും പുറത്തുമായി ചുമർ ചിത്രകലയിൽ പരിശീലനം നേടിയ ഇവരുടെ കൂട്ടായ്മ കേരളത്തിലെ വിവിധ ഇടങ്ങളിൽ നേരത്തെ പ്രദർശനം നടത്തിയിട്ടുണ്ട്. രാവിലെ 10.30 മുതൽ വൈകിട്ട് 7 വരെയുള്ള പ്രദർശനം 27ന് സമാപിക്കും.
SUMMARY: ‘Vibrant Hues’ painting exhibition begins at Chitra Kala Parishad Art Gallery
