ബെംഗളൂരു: ഓടിക്കൊണ്ടിരുന്ന കര്ണാടക ആർടിസി ബസിന് തീപിടിച്ചു. ബസിലുണ്ടായിരുന്ന യാത്രക്കാരെ സുരക്ഷിതമായി പുറത്തിറക്കാൻ കഴിഞ്ഞതിനാൽ വന് ദുരന്തം ഒഴിവായി. ചിക്കബെല്ലാപുര ഗൗരിബിദനൂരില് മെല്യയില് നിന്ന് മഡിപഡുഗു ഗ്രാമത്തിലേക്ക് പോകുകയായിരുന്ന ബസിനാണ് തീപ്പിടിച്ചത്. ശനിയാഴ്ച വൈകുന്നേരം 4 മണിയോടെയാണ് സംഭവം. യാത്രയ്ക്കിടെ ബസിന്റെ എഞ്ചിൻ ഭാഗത്തുനിന്നാണ് തീ പടർന്നത്. ഇത് ശ്രദ്ധയിൽപ്പെട്ട ഉടൻ ഡ്രൈവർ ബസ് നിർത്തി യാത്രക്കാരെ പുറത്തിറക്കി. പിന്നാലെ തീ ബസിന്റെ മറ്റു ഭാഗങ്ങളിലേക്കും പടർന്നു.
വിവരമറിഞ്ഞ് അഗ്നിരക്ഷാസേന സ്ഥലത്തെത്തി തീ നിയന്ത്രണവിധേയമാക്കി. ബസ് പൂര്ണ്ണമായും കത്തിനശിച്ചു. സംഭവത്തിന്റെ കൃത്യമായ കാരണം കണ്ടെത്താൻ അധികൃതർ പരിശോധന ആരംഭിച്ചിട്ടുണ്ട്.
തീപിടിത്തത്തിനിടെ ആർക്കും പരുക്കേറ്റതായി റിപ്പോർട്ടില്ല. ഡ്രൈവറുടെയും കണ്ടക്ടറുടെയും സമയോചിതമായ ഇടപെടലാണ് യാത്രക്കാരെ സുരക്ഷിതമായി പുറത്തിറക്കാൻ സഹായിച്ചത്. ബസിന് സാങ്കേതിക തകരാറുണ്ടായിരുന്നോ, എഞ്ചിനിലെ ഏതെങ്കിലും ഭാഗത്തെ തകരാറാണോ തീപിടിത്തത്തിന് കാരണമായത് തുടങ്ങിയ കാര്യങ്ങൾ അധികൃതർ പരിശോധിച്ചുവരികയാണ്.
SUMMARY: A bus caught fire in Chikabellapura; Passengers are safe
