തൃശൂര്: സഹപ്രവര്ത്തകരായ ബാങ്ക് ജീവനക്കാർക്കൊപ്പം വിനോദയാത്രയ്ക്കെത്തിയ യുവതി നദിയില് മുങ്ങി മരിച്ചു. കാളിയാര് നദിയില് യുവതി കാല് വഴുതി വെള്ളത്തിലേക്ക് വീഴുകയായിരുന്നു. മാള അഷ്ടമിച്ചിറ സ്വദേശിയായ ചെറാല വീട്ടില് മുരളിയുടെയും രാജിയുടെയും മകളായ ശ്രദ്ധയാണ് അപകടത്തില്പ്പെട്ട് മരിച്ചത്.
മാള കുഴിക്കാട്ടിശ്ശേരിയിലെ സി.എസ്.ബി ബാങ്കിലെ കസ്റ്റമര് റിലേഷന് ഓഫീസര് ആയിരുന്ന ശ്രദ്ധ ബാങ്ക് ജീവനക്കാരോടൊപ്പം വിനോദയാത്രയ്ക്ക് എത്തിയതായിരുന്നു. യാത്രയ്ക്കിടെ കാവക്കാട് ഭാഗത്തുള്ള കാളിയാര് നദിയില് കുളിക്കാനിറങ്ങിയപ്പോഴാണ് കാല് വഴുതി വെള്ളത്തില് വീണത്. ഉടനെ തന്നെ നാട്ടുകാര് രക്ഷാപ്രവര്ത്തനം നടത്തി ശ്രദ്ധയെ വെള്ളത്തില് നിന്ന് പുറത്തെടുത്ത് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
സംഭവത്തെ തുടര്ന്ന് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ഭര്ത്താവ്: കിഴക്കനൂട്ട് വീട്ടില് ജിഷ്ണു. മകന്: ദേവദത്ത് ജിഷ്ണു. സഹോദരി: സൗമ്യ.
SUMMARY: A young woman died tragically after slipping and falling into the Kaliyar River during an excursion with her colleagues
