ഡൽഹി: സിജെപി സ്ഥാപകൻ അഭിജിത് ദീപ്‌കെയെ ഡൽഹിയിൽ കരുതല്‍ തടങ്കലിലാക്കിയതിന് പിന്നാലെ മുത്തശ്ശി സവിത്രിബായ് ശങ്കർ ദീപ്കെ അന്തരിച്ചു. മഹാരാഷ്ട്രയിലെ ഹിംഗോളി ജില്ലയിലെ ജന്മഗ്രാമമായ സന്തുക് പിംപ്രിയിലായിരുന്നു അന്ത്യം. ദീർഘകാലമായി അസുഖബാധിതയായിരുന്ന സവിത്രിബായ് വാർധക്യസഹജമായ ആരോഗ്യപ്രശ്നങ്ങള്‍ക്ക് ചികിത്സയിലായിരുന്നുവെന്നാണ് റിപ്പോർട്ടുകള്‍.
കഴിഞ്ഞ കുറച്ചുദിവസങ്ങളായി ആരോഗ്യനില മോശമായതിനെ തുടർന്ന് ചികിത്സയിലായിരുന്നു സവിത്രിബായ്. മരണവാർത്ത പുറത്തുവന്നതോടെ ഗ്രാമവാസികള്‍ക്കും രാഷ്ട്രീയ, സാമൂഹിക മേഖലകളിലെ പ്രമുഖർക്കുമിടയില്‍ അനുശോചനമുയർന്നു. അഭിജിത് ദീപ്‌കെയെ കരുതല്‍ തടങ്കലിലാക്കിയ സംഭവത്തിനുപിന്നാലെ മുത്തശ്ശിയുടെ മരണവാർത്ത പുറത്തുവന്നത് ശ്രദ്ധേയമായി.
SUMMARY: Abhijit Deepke’s grandmother has passed away
