ചെന്നൈ: നടൻ വിജയ് നയിക്കുന്ന ടിവികെ വിട്ട് അഭിനേത്രി രഞ്ചന നാച്ചിയാർ ഡിഎംകെയിൽ ചേർന്നു. മുഖ്യമന്ത്രി എം.കെ. സ്റ്റാലിന്റെ സാന്നിധ്യത്തില് താരം പാർട്ടി അംഗത്വം സ്വീകരിച്ചു. സ്ത്രീകളെ അപമാനിച്ചെന്ന കാരണം ചൂണ്ടിക്കാട്ടിയാണ് താൻ ടിവികെ വിട്ടതെന്ന് താരം വ്യക്തമാക്കി. ടിവികെ നേതൃത്വത്തെ സമീപിക്കാൻ പോലും കഴിയില്ല. ടിവികെ പ്രവർത്തകരുടെ പരാതികൾ കേൾക്കാൻ പോലും വിജയ് തയ്യാറാകുന്നില്ല. 25 വർഷത്തെ ബന്ധങ്ങൾ വളരെ ലളിതമായി ഉപേക്ഷിക്കുന്ന ഒരാൾക്ക് ജനങ്ങളോടും ഉത്തരവാദിത്തം ഉണ്ടാകില്ലെന്ന് താരം കുറ്റപ്പെടുത്തി.
എട്ടു വർഷത്തോളം ബിജെപിയിൽ പ്രവർത്തിച്ചിരുന്ന രഞ്ചന, ത്രിഭാഷാ നയവുമായി ബന്ധപ്പെട്ട തർക്കത്തെ തുടർന്നാണ് അവിടെ നിന്നും രാജിവെച്ച് കഴിഞ്ഞ വർഷം ടിവികെയിൽ ചേർന്നത്. വിജയ്യെ നേരിട്ട് കാണാൻ പോലും സാധിക്കാത്ത സാഹചര്യത്തിൽ, മുഖ്യമന്ത്രി സ്റ്റാലിനെ കാണാൻ വളരെ വേഗം കഴിഞ്ഞത് തന്നെ അത്ഭുതപ്പെടുത്തിയെന്നും അവർ വ്യക്തമാക്കി.
SUMMARY: Actress Ranjana Nachiyar leaves TVK and joins DMK
