ബെംഗളൂരു: വിലക്ക് പിൻവലിച്ചതോടെ മാസങ്ങൾക്കകം നഗര വ്യാപകമായി 6404 പരസ്യ ഹോർഡിങ്ങുകൾ സ്ഥാപിക്കുമെന്ന് റിപ്പോർട്ട്. 611 റോഡുകളിൽ ഇവ സ്ഥാപിക്കുന്നതിനാണ് ബിബിഎംപി അനുമതി നൽകുക. ഇതിനുള്ള ലേലം ഉടൻ നടത്തും. 2018ൽ ഹോർഡിങ്ങുകൾ സ്ഥാപിക്കുന്നതിനു ഏർപ്പെടുത്തിയ വിലക്ക് പിൻവലിച്ചതോടെയാണിത്.
ഓരോ പ്രദേശത്തെയും ഭൂമി വിലയ്ക്കനുസരിച്ചാകും ഹോർഡിങ്ങുകൾ സ്ഥാപിക്കുന്നതിനു പണം ഈടാക്കുക. എന്നാൽ വിധാൻ സൗധ പരിസരത്ത് ഹോർട്ടിങ്ങുകൾ സ്ഥാപിക്കാൻ പാടില്ല.
പ്രതിവർഷം 500 കോടി രൂപയുടെ വരുമാനമാണ് ഇതിലൂടെ ബിബിഎംപി ലക്ഷ്യമിടുന്നത്. പുതിയ കോർപറേഷനുകളുടെ രൂപീകരണത്തിനു ഈ പണം ഉപയോഗിക്കുമെന്നും ബിബിഎം അധികൃതർ വ്യക്തമാക്കി. എന്നാൽ നഗര സൗന്ദര്യത്തെ നടപടി പ്രതികൂലമായി ബാധിക്കുമെന്ന വിമർശനം ശക്തമാണ്.
SUMMARY: 6404 billboards will be placed throughout Bengaluru as the BBMP prepares for an advertising auction.
