ബെംഗളൂരു: വടക്കൻ കർണാടകയിലെ പ്രമുഖ മലയാളി കൂട്ടായ്മയായ ബള്ളാരി കേരള കൾച്ചറൽ അസോസിയേഷൻ ഓണാഘോഷം സെപ്റ്റംബർ 13ന് വിവിധ കലാപരിപാടികളുടെ വിദ്യാനഗർ മാതാ ഫംഗ്ഷൻ ഹാളിൽ നടക്കും. രാവിലെ 9 മുതൽ വിവിധ കലാ-കായിക പരിപാടികൾ അരങ്ങേറും. രാവിലെ 11 ന് നടക്കുന്ന സാംസ്കാരിക പരിപാടിയിൽ അസോസിയേഷൻ മുഖ്യരക്ഷാധികാരി ഗുരു മാത്യു അധ്യക്ഷത വഹിക്കും. മലയാളം മിഷൻ കർണാടക ചാപ്റ്റർ കൺവീനർ ടോമി ജെ ആലുങ്കൽ, ന്യൂസ് ബെംഗളൂരു എഡിറ്റർ ഉമേഷ് രാമൻ, അസോസിയേഷൻ പ്രസിഡൻ്റ് വി ജി ബാബുരാജ്, ചെയർമാൻ ഷിജു പി. വി, സെക്രട്ടറി ബിജു സി കെ, കൈരളി കൾച്ചറൽ അസോസിയേഷൻ ഹോസ്പേട്ട് പ്രസിഡൻ്റ് എം കെ മത്തായി, സെക്രട്ടറി പി സുന്ദരൻ, വിജയനഗർ മലയാളി അസോസിയേഷൻ-ടോറങ്കൽ ജോയിൻ്റ് സെക്രട്ടറി ഷാജി പി.കെ എന്നിവർ പങ്കെടുക്കും.
മലയാളം മിഷൻ പഠന ക്ലാസുകളുടെ ഉദ്ഘാടനവും ഉണ്ടായിരിക്കും. ഉച്ചക്ക് ഓണസദ്യ. വൈകിട്ട് 6.30ന് ടൈം ജോക്സ് കാലിക്കറ്റിൻ്റെ നാടൻപാട്ട് എന്നിവ ഉണ്ടായിരിക്കും.
