റായ്പുർ: അവസാന പന്തുവരെ നീണ്ട ആവേശപ്പോരാട്ടത്തിനൊടുവില് മുംബൈ ഇന്ത്യന്സിനെ രണ്ടുവിക്കറ്റിന് തോല്പ്പിച്ച് റോയല് ചലഞ്ചേഴ്സ് ബെംഗളൂരു ഒന്നാം സ്ഥാനത്തെത്തി. മുംബൈ ഉയര്ത്തിയ 167 റണ്സ് വിജയലക്ഷ്യം അവസാന പന്തിലാണ് ബെംഗളൂരു മറികടന്നത്. ക്രുണാൽ പാണ്ട്യയുടെ അർധ സെഞ്ച്വറിയും ഭുവനേശ്വർ കുമാറിന്റെ തകർപ്പൻ ബൗളിങ് പ്രകടനവുമാണ് ബെംഗളുരുവിന്റെ വിജയത്തിൽ നിർണായകമായത്. ഇതോടെ മുംബൈ ഇന്ത്യൻസ് പ്ലേഓഫ് കാണാതെ പുറത്തായി.
ആദ്യം ബാറ്റ് ചെയ്ത മുംബൈ 20 ഓവറിൽ 7 വിക്കറ്റ് നഷ്ടത്തിൽ 166 റൺസ് നേടി. 57 റണ്സെടുത്ത തിലക് വര്മയും 47 റണ്സെടുത്ത നമന് ധീറും മികച്ച പ്രകടനം പുറത്തെടുത്തു. രോഹിത് ശര്മ 22 റണ്സെടുത്ത് പുറത്തായി. മറുപടി ബാറ്റിങ്ങിൽ അവസാന ഓവർ വരെ നീണ്ട ആവേശപ്പോരാട്ടത്തിനൊടുവിൽ ബെംഗളൂരു 19.4 ഓവറിൽ 8 വിക്കറ്റിന് 167 റൺസ് അടിച്ച് വിജയലക്ഷ്യം മറികടന്നു. 46 പന്തുകളില് നിന്ന് 73 റണ്സെടുത്ത ക്രുണാല് പാണ്ഡ്യയുടെ പ്രകടനമാണ് നിര്ണായകമായത്. ഓപ്പണാറായി ഇറങ്ങിയ ജേക്കബ് ബെഥേല് 27 ഉം ജിതേഷ് ശര്മ 18 ഉും റണ്സെടുത്തു.
SUMMARY: Bengaluru secures thrilling win; beats Mumbai on the last ball
