ബെംഗളൂരു: ഡെക്കാൻ കൾച്ചറൽ സൊസൈറ്റിയുടെ ഓണാഘോഷം ‘ഓണോത്സവം 2026’ ശനി, ഞായർ ദിവസങ്ങളിൽ നടത്തും. മൈസൂർ റോഡിലുള്ള സൊസൈറ്റി സിൽവർ ജൂബിലി ഹാളിൽ ശനിയാഴ്ച വൈകീട്ട് നാലിന് നടക്കുന്ന സാഹിത്യ സായാഹ്നത്തിൽ എഴുത്തുകാരൻ കെ.പി. രാമനുണ്ണി ‘മലയാള മാഹാത്മ്യം’ എന്ന വിഷയത്തിൽ മുഖ്യ പ്രഭാഷണം നടത്തും. ബെംഗളൂരുവിലെ എഴുത്തുകാരും സാംസ്കാരികപ്രവർത്തകരും ചർച്ചയിൽ പങ്കെടുക്കും.
സമാപന സമ്മേളനം ഞായറാഴ്ച നാഗർഭാവി കല്യാൺ നഗറിലെ എച്ച്.എൻ. അനന്തകുമാർ ഓഡിറ്റോറിയത്തിൽ നടക്കും. വൈകീട്ട് നാലിന് ചേരുന്ന സാംസ്കാരിക സമ്മേളനത്തിൽ കെ.പി. രാമനുണ്ണി മുഖ്യാതിഥിയാകും. സൊസൈറ്റി പ്രസിഡന്റ് സതീഷ് തോട്ടശ്ശേരി അധ്യക്ഷനാകും. അംഗങ്ങളുടെ കലാപരിപാടികൾ അരങ്ങേറും. കലാകായിക മത്സരങ്ങളിലെ വിജയികൾക്കുള്ള സമ്മാനങ്ങളും, എസ്.എസ്.എൽ.സി., പി.യു.സി. പരീക്ഷകളിലെ ഉന്നതവിജയികൾക്കുള്ള കാഷ് അവാർഡുകളും വിതരണം ചെയ്യും.
SUMMARY: Deccan Cultural Society’s Onam festival begins today.
