കോട്ടയം: പാലാ നിയോജക മണ്ഡലത്തിലെ തിരഞ്ഞെടുപ്പ് ആവേശത്തിനിടെ എൻ.ഡി.എ. ക്യാമ്പിന് വൻ ആഘാതമായി ബി.ജെ.പി. നേതാവിന്റെ വിയോഗം. എസ്.സി. മോർച്ച എലിക്കുളം പഞ്ചായത്ത് പ്രസിഡന്റ് ഒറ്റപ്ലാക്കല് രാജൻ പി.ടി. (57) ആണ് പ്രചാരണത്തിനിടെ കുഴഞ്ഞുവീണ് മരിച്ചത്. എൻ.ഡി.എ. സ്ഥാനാർഥി അഡ്വ. ഷോണ് ജോർജിന്റെ വാഹന പര്യടനത്തിനിടെയായിരുന്നു അപ്രതീക്ഷിത മരണം.
ശനിയാഴ്ച വൈകുന്നേരം കൂരാലി പ്രാവിൻകൂടിന് സമീപം നടന്ന വാഹന റാലിക്കിടെയാണ് സംഭവം. സ്ഥാനാർത്ഥിയുടെ പര്യടനത്തിന് ആവേശം പകർന്ന് വാഹനത്തില് സഞ്ചരിക്കുകയായിരുന്ന രാജൻ പെട്ടെന്ന് കുഴഞ്ഞുവീഴുകയായിരുന്നു. ഉടൻതന്നെ പൊൻകുന്നത്തെ സ്വകാര്യ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
SUMMARY: BJP leader dies after collapsing during election campaign
