ബെംഗളൂരു: ബെംഗളൂരുവില് നിന്നും തുമക്കൂരുവിലേക്ക് എസി വജ്ര വിസ്താര സര്വീസുമായി ബിഎംടിസി. ബിഎംടിസിയുടെ ഏറ്റവും ദൈര്ഘ്യമേറിയ സര്വീസാണ് ഇത്. ചൊവ്വാഴ്ച തുമകുരുവില് മുഖ്യമന്ത്രി സിദ്ധരാമയ്യ പുതിയ ബസ് സര്വീസ് ഫ്ലാഗ് ഓഫ് ചെയ്തു. ആഭ്യന്തരമന്ത്രി ജി പരമേശ്വര, കാബിനറ്റ് മന്ത്രിമാര് തുടങ്ങിയവര് ചടങ്ങില് പങ്കെടുത്തു.
മജസ്റ്റിക്കില് നിന്നും 20 മിനിറ്റ് ഇടവേളയില് 10 ബസുകളാണ് സര്വീസ് നടത്തുന്നത്. നവരംഗ്, ഗോരെഗുണ്ഡെപാളയ, ജാലഹള്ളി ക്രോസ്, ടി.ദാസറഹള്ളി, വിഡിയ, ക്യാതസാന്ദ്ര വഴിയുള്ള സര്വീസിനു ടോള് ഉള്പ്പെടെ 120 രൂപയാണു ചാര്ജ്. ബെംഗളൂരുവിനും തുമകൂരുവിനും ഇടയില് സ്ഥിരമായി യാത്ര ചെയ്യുന്നവര്ക്ക് സര്വീസ് ഏറെ പ്രയോജനപ്പെടുമെന്ന് ബിഎംടിസി ഉദ്യോഗസ്ഥര് പറഞ്ഞു.
SUMMARY: BMTC launches AC Vajra Vistara service from Majestic to Tumakuru
