തിരുവനന്തപുരം: കേരളത്തിൽ നാല് ജില്ലാ കോടതികളില് ബോംബ് ഭീഷണി. ഇടുക്കി, കാസറഗോഡ്, മലപ്പുറം, പത്തനംതിട്ട ജില്ലാ കോടതികളിലാണ് ബോംബ് ഭീഷണി ഉണ്ടായത്. ഇമെയില് വഴിയാണ് ഭീഷണി എത്തിയത്. സംഭവത്തിൻ്റെ പശ്ചാത്തലത്തില് കോടതി നടപടികള് മുടങ്ങുകയായിരുന്നു. നിലവില് കോടതിയില് പോലീസ് പരിശോധന നടത്തുകയാണ്.
കോടതികളില് പോലീസ് പരിശോധന നടത്തിയെങ്കിലും ഒന്നും കണ്ടെത്താനായില്ല. ഇടുക്കി കോടതിയിലേക്ക് ഭീഷണി സന്ദേശം അയച്ചത് തമിഴ് ലിബറേഷൻ ഓർഗനൈസേഷൻ ആണെന്ന് കണ്ടെത്തി. ശ്രീലങ്കൻ ഈസ്റ്റർ മോഡല് ആക്രമണമാണ് ലക്ഷ്യമിടുന്നതെന്നാണ് മെയിലിന്റെ ഉള്ളടക്കം. കോടതിക്ക് സമീപം റിമോട്ട് കണ്ട്രോള് ബോംബുകള് സ്ഥാപിച്ചിട്ടുണ്ടെന്നും ബോംബുകള് പൊട്ടിത്തെറിച്ചില്ലെങ്കില് ചാവേർ ആക്രമണം ഉണ്ടാകുമെന്നും സന്ദേശത്തിലുണ്ട്.
മുഹമ്മദ് അസ്ലം വിക്രം എന്നയാളുടെ പേരിലാണ് സന്ദേശം എത്തിയിട്ടുള്ളത്. മലപ്പുറത്ത് മഞ്ചേരി കോടതിയിലാണ് ബോംബ് ഭീഷണിയുണ്ടായത്. കോടതിയുടെ ഔദ്യോഗിക മെയിലിലേക്കാണ് ഭീഷണി സന്ദേശം വന്നത്. പത്തനംതിട്ട ജില്ലാ കോടതിയിലും ഇ മെയില് വഴിയാണ് സന്ദേശം എത്തിയത്.
കാസറഗോഡ് വിദ്യാനഗറിലുള്ള ജില്ലാ കോടതിയില് ഇന്ന് പുലർച്ചെ 3.22 നാണ് ബോംബ് വച്ചതായി മെയില് സന്ദേശമെത്തിയത്. നിങ്ങളുടെ കോടതി സമുച്ചയത്തില് മൂന്ന് ആർഡിഎക്സ് അടങ്ങിയ ഒരു മനുഷ്യ ചാവേർ ബോംബ് സ്ഥാപിച്ചിട്ടുണ്ട് എന്നായിരുന്നു സന്ദേശം.
SUMMARY: Bomb threat at four district courts in Kerala
WhatsApp
Telegram
