ബെംഗളൂരു: മൂന്നാമത് ബുക്ക് ബ്രഹ്മ സാഹിത്യ പുരസ്കാരം സമകാലിക തെലുങ്ക് സാഹിത്യത്തിലെ ശ്രദ്ധേയനായ കഥാകൃത്തും മാധ്യമപ്രവര്ത്തകനും എഡിറ്ററും തിരക്കഥാകൃത്തുമായ മുഹമ്മദ് ഖദീർ ബാബുവിന് സമര്പ്പിച്ചു. കോറമംഗലയിലെ സെന്റ് ജോണ്സ് കാമ്പസില് പത്ത് ദിവസം നീണ്ട ബുക്ക് ബ്രഹ്മ സാഹിത്യോത്സവത്തിന്റെ സമാപന ദിവസമായ ഇന്നലെ നടന്ന പ്രത്യേക പരിപാടിയിലാണ് പുരസ്കാര സമര്പ്പണം. നാടോജ ഹമ്പ നാഗരാജയ്യ, ബുക്ക് ബ്രഹ്മ ഫൌണ്ടേഷന് ഡയരക്ടര് സതീഷ് ചപ്പരികെ, ഹമ്പ നാഗരാജയ്യ, ഗോപാൽ ഹൊസൂർ, റവ. ടോണി എ.ജെ., ശിൽപ കല്യാൺ, പവണ്ണൻ, പെരുമാൾ മുരുകൻ എന്നിവര് ചടങ്ങില് പങ്കെടുത്തു.
ദക്ഷിണേന്ത്യൻ സാഹിത്യത്തിന് അമൂല്യമായ സംഭാവനകൾ നൽകിയ എഴുത്തുകാർക്കുള്ള അംഗീകാരമായി നൽകിവരുന്ന പുരസ്കാരമാണ് ബുക് ബ്രഹ്മ സാഹിത്യ പുരസ്കാരം. 2024ൽ തമിഴ് എഴുത്തുകാരൻ ബി.ജയമോഹനും 2025-ല് എഴുത്തുകാരി കെ.ആര്. മീരയ്ക്കുമായിരുന്നു പുരസ്കാരം. രണ്ട് ലക്ഷംരൂപ ക്യാഷ് പ്രൈസും സ്മരണിക ഫലകവും അടങ്ങുന്നതാണ് പുരസ്കാരം.
SUMMARY: Book Brahma Sahitya Award-2026′ presented to Muhammad Qadeer Babu
