ബെംഗളൂരു: ധാര്വാഡിലെ ഹുബ്ബള്ളി-ധാര്വാഡ് ബൈപാസ് റോഡിലെ ഹാലിയാൽ അണ്ടർപാസിന് സമീപം ടിബറ്റൻ വംശജനായ ബുദ്ധസന്യാസിയെ മരിച്ച നിലയില് കണ്ടെത്തി. മുണ്ട്ഗോഡ് സ്വദേശിയായ 39 വയസ്സുള്ള താഷിദോന്ദുവാണ് മരിച്ചത്.
റോഡില് മൃതദേഹം കണ്ട നാട്ടുകാർ ആദ്യം അപകടമാണെന്ന ധാരണയില് ധാര്വാഡ് റൂറൽ പോലീസിനെ അറിയിക്കുകയായിരുന്നു. പോലീസ് സ്ഥലത്തെത്തി നടത്തിയ പരിശോധനയിൽ മൃതദേഹത്തില് മുറിവുകൾ കണ്ടെത്തിയതാണ് കൊലപാതകമാണെന്ന സംശയത്തിലേക്ക് എത്തിയത്. മറ്റെവിടെയെങ്കിലും കൊലപ്പെടുത്തി മൃതദേഹം സ്ഥലത്ത് ഉപേക്ഷിച്ചതാകാനാണ് സാധ്യതയെന്നാണ് പോലീസ് നിഗമനം. താഷിദോന്ദുവിന്റെ ബന്ധുക്കൾ സ്ഥലത്ത് എത്തിയിട്ടുണ്ട്. കൂടുതൽ അന്വേഷണം നടന്നുവരികയാണെന്ന് പോലീസ് സൂപ്രണ്ട് ഗുഞ്ചൻ ആര്യ പറഞ്ഞു.
SUMMARY: Buddhist monk found dead; murder suspected
WhatsApp
Telegram
