കാസറഗോഡ്: കാസറഗോഡ് ജില്ലയിലെ വെള്ളരിക്കുണ്ടില് പോലിസ് ജീപ്പും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവര് മരിച്ചു. പുങ്ങംചാലിലെ കൊടിയംകുണ്ട് വീട്ടില് രാജു ആണ് മരിച്ചത്. അപകടത്തില് പോലിസ് ജീപ്പിലുണ്ടായിരുന്ന എ.എസ്.ഐ.യ്ക്കും പരിക്കേറ്റു.
വ്യാഴാഴ്ച രാത്രി 7:30-ഓടെ താലൂക്ക് ഓഫിസ് പരിസരത്തെ റോഡിലായിരുന്നു അപകടം. പോലിസ് ജീപ്പും ഓട്ടോറിക്ഷയും കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ ഓട്ടോ ഡ്രൈവറെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. അതിനിടെ, അപകടത്തില്പ്പെട്ട പോലിസ് വാഹനം ഉടന്തന്നെ ക്രെയിന് ഉപയോഗിച്ച് നീക്കാന് ശ്രമിച്ചതിനെതിരേ നാട്ടുകാര് രംഗത്തെത്തി. നാട്ടുകാരുടെ പ്രതിഷേധത്തെത്തുടര്ന്ന് പോലിസ് വാഹനം നീക്കുന്നത് നിര്ത്തിവെച്ചു.
വെള്ളരിക്കുണ്ട് സ്റ്റേഷനിലെ പോലിസ് ജീപ്പാണ് അപകടത്തില്പ്പെട്ടത്. ഒരു പോലിസ് ഉദ്യോഗസ്ഥന്റെ വിരമിക്കലുമായി ബന്ധപ്പെട്ട ചടങ്ങില് പങ്കെടുക്കാന് പോവുകയായിരുന്നു വാഹനത്തിലുള്ളവര്.
SUMMARY: Auto driver dies in collision between police jeep and autorickshaw
WhatsApp
Telegram
