ബെംഗളുരു: ചിത്രദുർഗയിൽ കാറും ലോറിയും കൂട്ടിയിടിച്ച് 5 പേർ മരിച്ചു. ചള്ളക്കെരെ സ്വദേശികളായ രാഘവേന്ദ്ര (40), പ്രമോദ് (36), രുദ്രേഷ് (30), സോമശേഖര് (35), മല്ലികാര്ജുന (35) എന്നിവരാണ് മരിച്ചത്. ബിദാർ-ശ്രീരംഗപട്ടണ ദേശീയപാത 150 എയിലെ തുംകുർലഹള്ളി ഗേറ്റിലെ ഒരു ധാബയ്ക്ക് സമീപം നിർത്തിയിട്ടിരുന്ന ട്രക്കിൽ കാർ ഇടിച്ചാണ് അപകടം.
ടയർ പൊട്ടി കാറിന്റെ നിയന്ത്രണം വിട്ടതാണ് അപകടകാരണം. അഞ്ച് പേരും സംഭവസ്ഥലത്ത് വെച്ച് തന്നെ മരിച്ചു. ബല്ലാരിയിൽ നിന്ന് ചല്ലക്കെരെയിലേക്ക് യാത്ര ചെയ്യുന്നതിനിടെയാണ് അപകടം നടന്നതെന്ന് പോലീസ് പറഞ്ഞു. സംഭവത്തിൽ മൊളക്കൽമുരു പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
SUMMARY: Car crashes into lorry parked on roadside; 5 dead
