ബെംഗളൂരു: കോൺഫിഡന്റ് ഗ്രൂപ്പ് ഉടമ സി ജെ റോയിയുടെ ഭൗതികശരീരം പൊതുദർശനത്തിനായി ബന്നാർഘട്ടയിൽ എത്തിച്ചു. ശിവജി നഗറിലെ ബൗറിംഗ് ആശുപത്രിയില്‍ നിന്ന് രാവിലെ ഒമ്പത് മണിയോടെയാണ് ബന്നാർഘട്ട റോഡ് കൽക്കെരെയിലെ റോയിയുടെ ഉടമസ്ഥതയിലുള്ള നേച്ചേഴ്‌സ് ലക്ഷ്വറിയില്‍ എത്തിച്ചത്. വിദേശത്ത് നിന്നും റോയിയുടെ കുടുംബം ഇന്നലെ ബെംഗളൂരുവില്‍ എത്തിയിരുന്നു. കുടുംബാംഗങ്ങളും ബന്ധുക്കളും ബന്നാർഘട്ടയില്‍ എത്തിയിട്ടുണ്ട്. അന്ത്യോപചാരമര്‍പ്പിക്കനായി നിരവധിപേരാണ് ഇപ്പോള്‍ എത്തിക്കൊണ്ടിരിക്കുന്നത്. കേരളത്തില്‍ നിന്നും നിരവധി പേര്‍ ചടങ്ങില്‍ പങ്കെടുക്കാനായി എത്തിച്ചേരും.
2 മണി വരെയാണ് പൊതുദർശനം. തുടർന്ന് കൽക്കരയിലെ സെന്റ് ജോസഫ് ചർച്ചിലേക്ക് അന്ത്യ ശ്രുശ്രുഷകൾക്കായി എത്തിക്കും. വൈകിട്ട് 3. 30ന് നേച്ചേഴ്‌സ് ലക്ഷ്വറിയിലാണ് സംസ്കാരം. ഇവിടെ അന്ത്യവിശ്രമം ഒരുക്കണമെന്ന റോയിയുടെ ആഗ്രഹപ്രകാരമാണിത്.
Updating…..
SUMMARY: CJ Roy’s body brought to Bannerghatta; public viewing until 2 pm
