ഡല്‍ഹി: നീറ്റ് ചോദ്യ പേപ്പർ ചോർച്ചയില്‍ കേന്ദ്ര വിദ്യാഭ്യാസ മന്ത്രി ധർമ്മേന്ദ്രപ്രധാൻ രാജിവെച്ചതിന് ഇടതുവിദ്യാർഥി സംഘടനകള്‍ക്ക് നന്ദി പറഞ്ഞ് സിജെപി നേതാവ് അശുതോഷ് റങ്ക. എസ്‌എഫ്‌ഐയുടേയും എഐഎസ്‌എഫിന്റെയും പേരെടുത്ത് പറഞ്ഞാണ് അശുതോഷ് റങ്ക എക്സില്‍ കുറിപ്പിട്ടിരിക്കുന്നത്.
പോസ്റ്റിൻ്റെ പൂർണരൂപം :
‘നിങ്ങള്‍ നല്‍കിയ പിന്തുണക്കും മാർഗനിർദേശത്തിനും എസ്എഫ്ഐക്കും എഐഎസ്എഫിനും മറ്റ് വിദ്യാർഥി സംഘടനകള്‍ക്കും പ്രത്യേകം നന്ദി. ഈ മുന്നേറ്റത്തില്‍ നിങ്ങള്‍ നിർണായക പങ്കാണ് വഹിച്ചത് ‘. അതേസമയം, സമരം വിജയിപ്പിച്ച ഓരോരുത്തർക്കും നന്ദിയെന്നും വിമർശിച്ച്‌ നേർവഴി നടത്താൻ ശ്രമിച്ചവർക്കും നന്ദിയെന്നും അഭിജീത് ദീപ്കെ പറഞ്ഞു.
സിജെപി മുന്നോട്ട് വച്ച വാഗ്ദാനങ്ങള്‍ പൂർണ്ണ തോതില്‍ നടപ്പാക്കാൻ ഒപ്പമുണ്ടാകുമെന്നും ദീപ്കെ വ്യക്തമാക്കി. ഇതൊരു തുടക്കം മാത്രമാണെന്നും ഇനിയും ഏറെ ദൂരം പോകാനുണ്ടെന്നും അദ്ദേഹം പറഞ്ഞു.
ടൈഫോയ്ഡ് ബാധിതനായ അഭിജിത്, ആശുപത്രിക്കിടക്കയില്‍ നിന്നാണ് കഴിഞ്ഞ ദിനം സമരവേദിയില്‍ എത്തിയത്. അതേസമയം, സിജെപി പ്രതിഷേധവുമായി ബന്ധപ്പെട്ട കേസുകള്‍ പിൻവലിക്കുന്നതില്‍ കേന്ദ്രസർക്കാരിന്‍റെ തീരുമാനം കാക്കുകയാണ് ഡൽഹി പോലീസ്.
SUMMARY: CJP thanks SFI and AISF following the protest victory; Ashutosh Ranka highlights their pivotal role
