കൊല്ലം: കൊട്ടാരക്കരയില് വിദ്യാർഥിയെ കാണാനില്ലെന്ന് പരാതി. ചരുവിള പുത്തൻ വീട്ടില് ആദില് മുഹമ്മദി(14)നെയാണ് കാണാതായത്. കഴിഞ്ഞ ദിവസം വൈകിട്ട് പള്ളിയിലേക്ക് പോയതായിരുന്നു കുട്ടി. പിന്നീട് നിസ്ക്കാരം കഴിഞ്ഞ് വീട്ടിലേക്ക് മടങ്ങിയെത്തിയില്ല. അതേസമയം, കുട്ടി പള്ളിയില് നിന്നിറങ്ങിയ ശേഷം ഓട്ടോയില് ആലഞ്ചേരിയില് എത്തിയെന്ന വിവരമുണ്ട്.
ആലഞ്ചേരിയില് നിന്ന് വേറെയാരും കുട്ടിയെ കണ്ടിട്ടില്ല. രാത്രി ഒമ്പതിന് കോട്ടാത്തല അമ്പലത്തിന് സമീപം കുട്ടി ഭക്ഷണം വാങ്ങിക്കുന്നത് കണ്ടവർ ഉണ്ട്. രാവിലെ മടവൂരില് വച്ച് കണ്ടെന്ന വിവരവും പോലീസിന് ലഭിച്ചു. അതേസമയം, വീട്ടുകാർ കുട്ടിയുടെ ബാഗില് നിന്ന് ഫോണ് കണ്ടെടുത്തിയിരുന്നു. ഇത് വാങ്ങി വച്ചതില് കുട്ടി വിഷമത്തിലായിരുന്നുവെന്ന് കുടുംബം പറയുന്നു. കുടുംബം കൊട്ടാരക്കര പോലീസില് പരാതി നല്കി. പോലീസ് അന്വേഷണം പുരോഗമിക്കുകയാണ്.
SUMMARY: Complaint filed that a 14-year-old boy is missing in Kottarakkara
