ബെംഗളൂരു: മലബാര്‍ മുസ്ലിം അസോസിയേഷനു കീഴില്‍ പ്രവര്‍ത്തിക്കുന്ന ക്രസന്റ് സ്‌കൂളിലെ നഴ്‌സറി വിഭാഗത്തിന്റെ പ്രവേശനോത്സവം അസോസിയേഷന്‍ വൈസ്. പ്രസിഡണ്ടും, ക്രസന്റ് സ്‌കൂള്‍ ചെയര്‍മാനുമായ അഡ്വ. പി. ഉസ്മാന്‍ ഉദ്ഘാടനം ചെയ്തു. കുട്ടികള്‍ വേര്‍ത്തിരിവുകള്‍ക്കതീതമായി പഠിച്ചു വളരേണ്ടവരാണെന്നും കലാലയങ്ങളില്‍ നിന്നാണ് മാനവിക ബോധം മക്കളില്‍ രൂപപ്പെടുന്നതെന്നും അദ്ദേഹം പറഞ്ഞു.
എം.എം.എ ജനറല്‍ സെക്രട്ടറി ടി. സി.സിറാജുദ്ദീന്‍ അധ്യക്ഷത വഹിച്ചു. അഡ്വ. ശക്കീല്‍ അബ്ദുറഹ്‌മാന്‍, ശ്വേത, റീത്ത മുഹമ്മദ് തന്‍വീര്‍ ശംസുദ്ധീന്‍ കൂടാളി, മുഹമ്മദ് മൗലവി, എ.കെ. അബ്ദുല്‍ കബീര്‍, മുഹമ്മദ് ഹനീഫ് തുടങ്ങിയവര്‍ പങ്കെടുത്തു. പ്രിന്‍സിപ്പള്‍ മുജാഹിദ് മുസ്തഫ ഖാന്‍ സ്വാഗതവും ശിവകുമാര്‍ നന്ദിയും പറഞ്ഞു. വിദ്യാര്‍ഥികളുടെ കലാപരിപാടികള്‍ക്ക് റബേക്ക, അശ്‌റ തുടങ്ങിയവര്‍ നേതൃത്വം നല്‍കി.
SUMMARY : Crescent School Nursery Section Reopen Day
