ന്യൂഡൽഹി: ജോയിന്റ് സിഎസ്ഐആർ-യുജിസി നെറ്റ് ജൂൺ 2026 പരീക്ഷയുടെ അഡ്മിറ്റ് കാർഡുകൾ നാഷണൽ ടെസ്റ്റിംഗ് ഏജൻസി പ്രസിദ്ധീകരിച്ചു.
ജൂലൈ 17, 18 തീയതികളിലായി കമ്പ്യൂട്ടർ അധിഷ്ഠിത പരീക്ഷയായാണ് ഇത് നടക്കുക. ദിവസേന രണ്ട് ഷിഫ്റ്റുകളായാണ് (രാവിലെ 9 മുതൽ 12 വരെ, ഉച്ചയ്ക്ക് ശേഷം 3 മുതൽ 6 വരെ) പരീക്ഷ ക്രമീകരിച്ചിരിക്കുന്നത്.
ജൂലൈ 17-ന് ലൈഫ് സയൻസസ്, മാത്തമാറ്റിക്കൽ സയൻസസ് പരീക്ഷകളും, ജൂലൈ 18-ന് കെമിക്കൽ സയൻസസ്, എർത്ത് സയൻസസ്, ഫിസിക്കൽ സയൻസസ് പരീക്ഷകളും നടക്കും.
പരീക്ഷാ കേന്ദ്രം, റിപ്പോർട്ടിംഗ് സമയം, മറ്റ് പ്രധാന നിർദ്ദേശങ്ങൾ എന്നിവ അഡ്മിറ്റ് കാർഡിൽ രേഖപ്പെടുത്തിയിട്ടുണ്ട്. ജൂനിയർ റിസർച്ച് ഫെലോഷിപ്പ് , അസിസ്റ്റന്റ് പ്രൊഫസർ യോഗ്യത, പിഎച്ച്ഡി പ്രവേശനം എന്നിവയ്ക്കുള്ള ദേശീയതല യോഗ്യതാ പരീക്ഷയാണിത്.. അഡ്മിറ്റ് കാർഡ് ഡൗൺലോഡ് ചെയ്യുന്നതിൽ പ്രയാസം നേരിടുന്നവർ csirnet@nta.ac.in എന്ന ഇ-മെയിലിലോ 011-40759000 / 011-69227700 എന്നീ ഫോൺ നമ്പറുകളിലോ ബന്ധപ്പെടാം.
SUMMARY: CSIR UGC NET; Exam will be conducted on July 17th and 18th
