മലപ്പുറം: സംസ്ഥാനത്തെ അണ് എയ്ഡഡ് സ്കൂളുകള്ക്കുമേല് കർശന നിയന്ത്രണങ്ങള്ക്ക് ഒരുങ്ങി വിദ്യാഭ്യാസ വകുപ്പ്. അധ്യാപകരുടെ യോഗ്യത ഉറപ്പാക്കും. ഒന്നാം ക്ലാസിലെ കുട്ടിക്ക് പ്രവേശന പരീക്ഷ നിയമലംഘനമെന്നും മന്ത്രി കൂട്ടിച്ചേർത്തു. അണ് എയ്ഡഡ് സ്കൂളുകളില് നടക്കുന്നത് വിദ്യാഭ്യാസ കച്ചവടമാണ്.
ഒന്നാം ക്ലാസിലെ കുട്ടിക്ക് പ്രവേശന പരീക്ഷ നിയമ ലംഘനമാണെന്നും സ്വാകാര്യ വിദ്യാഭ്യാസ സ്ഥാപനങ്ങള് മാന്യമായ ഫീസ് മാത്രമേ വാങ്ങാവൂ എന്നും മന്ത്രി പറഞ്ഞു. അടുത്ത വർഷം മുതല് അണ് എയ്ഡഡ് വിദ്യാലയങ്ങളില് സിലബസുകള് ഏകീകരിക്കാൻ സർക്കാർ ഇടപെടും. അധ്യാപകരുടെ വിദ്യാഭ്യാസ യോഗ്യതയും പരിശോധിക്കുമെന്ന് മന്ത്രി അറിയിച്ചു.
കുട്ടികള് സ്കൂളിലേക്ക് മൊബൈൽ ഫോണുകള് കൊണ്ട് പോകുന്നത് നിരോധിക്കുന്ന കാര്യം സർക്കാർ ആലോചിക്കുന്നുണ്ടന്നെന്നും വി ശിവൻകുട്ടി കൂട്ടിച്ചേര്ത്തു. സ്കൂളില് കുട്ടികള് മൊബൈല് ഫോണ് കൊണ്ടുവരുന്നത് അംഗീകരിക്കാൻ കഴിയില്ലെന്ന് വി ശിവൻകുട്ടി വ്യക്തമാക്കി. ഒന്നാം ക്ലാസ് മുതല് ഒമ്ബത് വരെ സമ്പൂർണ വിജയത്തില് യോജിപ്പില്ലെന്ന് മന്ത്രി പറഞ്ഞു.
കുട്ടികള് സമ്പൂർണ്ണ വിജയം കൊടുക്കണം എന്ന് പറയുന്ന ഒരു വിഭാഗം ഉണ്ട്. അങ്ങനെ വരുമ്പോൾ കുട്ടിക്കോ അധ്യാപകർക്കോ രക്ഷിതാക്കള്ക്കോ ഉത്തരവാദിത്വമുണ്ടാകുമോ എന്നാണ് മന്ത്രിയുടെ ചോദ്യം.
SUMMARY: Education Department prepares for strict restrictions on unaided schools
