കൊച്ചി: എറണാകുളം കടമറ്റത്ത് ഇന്നലെ രാത്രിയിൽ ഉണ്ടായ വാഹനാപകടത്തിൽ ഒരാളുടെ നില ഗുരുതരം. 10 പേർ സഞ്ചരിച്ച ട്രാവലറാണ് മറിഞ്ഞത്. കൊച്ചി ധനുഷ്കോടി ദേശിയ പാതയിലാണ് അപകടം ഉണ്ടായത്.
കടയിരുപ്പിലെ സ്വകാര്യ സ്ഥാപനത്തിലെ കരാര് ജീവനക്കാരാണ് അപകടത്തില്പ്പെട്ടത്. ഇന്നലെ രാത്രി 11 മണിയോടെ ജോലി കഴിഞ്ഞ് തിരികെ മടങ്ങുന്നതിനിടയിലാണ് ട്രാവലർ അപകടത്തിൽപ്പെട്ടത്. പരുക്കേറ്റവരെ കോലഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പരുക്കേറ്റവരിൽ ഒരു സ്ത്രീയുടെ നില അതീവ ഗുരുതരമാണ്. ഇവരെ വെന്റിലേറ്ററിൽ പ്രവേശിപ്പിച്ചു. മറ്റുള്ളവരുടെ ആരോഗ്യനില തൃപ്തികരമാണെന്നും അധികൃതർ അറിയിച്ചിട്ടുണ്ട്.
<BR>
TAGS : ACCIDENT | ERNAKULAM NEWS
SUMMARY : Ernakulam Katamatt Road Accident; Traveler overturned, 10 injured, one critically
WhatsApp
Telegram
