കോഴിക്കോട്: കോഴിക്കോട്ട് ഓടിക്കൊണ്ടിരുന്ന സ്വകാര്യ ബസിന് തീപിടിച്ചു. മാങ്കാവ് കടുപ്പിനിയിലാണ് സംഭവം. അതേസമയം പുക ഉയർന്നതോടെ യാത്രക്കാരെ പുറത്തിറക്കിയതിനാൽ അപകടം ഒഴിവായി. കോഴിക്കോട് -പെരുമണ്ണ റൂട്ടിൽ സർവീസ് നടത്തുന്ന ഗ്യാലക്സി ബസിനാണ് തീപിടിച്ചത്. സി എൻ ജി ഉപയോഗിച്ച് സർവീസ് നടത്തുന്ന ബസിലാണ് തീപിടുത്തമുണ്ടായത്.
ബസിനുള്ളിൽ പുക കണ്ടയുടനെ ഡ്രൈവറും കണ്ടക്ടറും യാത്രക്കാരെ സുരക്ഷിതമായി പുറത്തിറക്കിയതിനാൽ വലിയ ദുരന്തം ഒഴിവായി. നിമിഷങ്ങൾക്കുള്ളിൽ തന്നെ ബസിലേക്ക് പൂർണ്ണമായും തീ ആളിപ്പടർന്നു. ഡീസലിന് പുറമെ സിഎൻജി (CNG) ഉപയോഗിച്ചും പ്രവർത്തിക്കുന്ന ബസിലാണ് അഗ്നിബാധയുണ്ടായത്. അപകടസമയത്ത് ബസിലെ സിഎൻജി സിലിണ്ടറുകൾ കാലിയായിരുന്നതാണ് വൻ പൊട്ടിത്തെറി ഒഴിവായി.
നാട്ടുകാർ വിവരമറിയിച്ചതിനെ തുടർന്ന് മീഞ്ചന്ത ഫയർ സ്റ്റേഷനിൽ നിന്നും അഗ്നിശമന സേനാംഗങ്ങൾ സ്ഥലത്തെത്തിയാണ് തീ പൂർണ്ണമായും അണച്ചു. ബസ് പൂർണ്ണമായും കത്തിനശിച്ച നിലയിലാണ്. തീപിടുത്തത്തിന്റെ കൃത്യമായ കാരണം വ്യക്തമായിട്ടില്ല.
SUMMARY: Fire breaks out in private bus en route to Kozhikode: No casualties
