ജനീവ: യെമനിൽ സർക്കാർ സൈന്യവും ഹൂതി വിമതരും തമ്മിലുള്ള പോരാട്ടം ശക്തമായതോടെ ഓഗസ്റ്റ് മുതൽ കുറഞ്ഞത് 2.9 ലക്ഷം പേർ വീടുവിട്ടു പലായനം ചെയ്തതായി ഐക്യരാഷ്ട്രസഭയുടെ മാനുഷിക സഹായ വിഭാഗമായ ഒച്ച (OCHA) അറിയിച്ചു. സംഘർഷം രൂക്ഷമായതോടെ ഗർഭിണികളായ സ്ത്രീകളുടെ സ്ഥിതി അതീവ ഗുരുതരമാണെന്നും യുഎൻ മുന്നറിയിപ്പ് നൽകി.
പലായനം ചെയ്തവരിൽ 6,100 പേർ ഗർഭിണികളാണ്. ഇവരിൽ 600 പേർ അടുത്ത രണ്ടാഴ്ചയ്ക്കുള്ളിൽ പ്രസവിക്കേണ്ടവരാണെന്ന് റിപ്പോർട്ടിൽ പറയുന്നു. ഭക്ഷണത്തിനും ഇന്ധനത്തിനും വില കുതിച്ചുയരുന്നതിനാല്‍ യമനിലെ അറുപതിനായിരത്തിലധികം അഭയാര്‍ത്ഥികളും അഭയം തേടിയെത്തിയവരും അതീവ ദുരിതത്തിലാണെന്ന് ഒ സി എച് എ റിപ്പോര്‍ട്ട് മുന്നറിയിപ്പ് നല്‍കുന്നു. യമന്‍ സര്‍ക്കാരിനെ പിന്തുണക്കുന്ന സേനയും ഹൂതി വിമതരും തമ്മിലുള്ള പോരാട്ടം ശക്തമാകുകയും ആയിരക്കണക്കിന് ആളുകള്‍ കൊല്ലപ്പെടുകയും ചെയ്‌തെന്ന് പഠനം പറയുന്നു.
പലായനം ചെയ്തവര്‍ കഴിയുന്ന സ്ഥലങ്ങളിലേക്ക് ഐക്യരാഷ്ട്രസഭ മൊബൈല്‍ ടീമുകളെയും പ്രസവ ശുശ്രൂഷകരേയും അയച്ചിട്ടുണ്ട്.
2014ൽ ആരംഭിച്ച യെമൻ ആഭ്യന്തര സംഘർഷം വീണ്ടും രൂക്ഷമായതോടെ രാജ്യത്ത് മാനുഷിക പ്രതിസന്ധി അതീവ ഗുരുതരമായിരിക്കുകയാണ്. റോഡുകൾ അടച്ചതും ഭക്ഷണം, മരുന്ന്, ഇന്ധനം എന്നിവയുടെ വിതരണത്തിലു: ണ്ടായ തടസ്സങ്ങളും ദശലക്ഷക്കണക്കിന് ജനങ്ങളുടെ ജീവിതത്തെ ബാധിക്കുന്നുണ്ട്.
SUMMARY: Conflict intensifies in Yemen; over 250,000 people have fled.
