ചെന്നൈ: കാഞ്ചീപുരത്ത് ദേശീയപാതയില് കാര് തടഞ്ഞുനിര്ത്തി 4.5 കോടിരൂപ കവര്ന്ന കേസില് അഞ്ച് മലയാളികള് പിടിയില്. പാലക്കാട് പെരിങ്ങോട് സ്വദേശി പി വി കുഞ്ഞുമുഹമ്മദ് (31), മുണ്ടൂര് സ്വദേശി സന്തോഷ് (42), തൃശ്ശൂര് കോടാലി സ്വദേശി ജയന് (46), കൊല്ലം സ്വദേശികളായ റിഷാദ് (27), സുജിലാല് (36) എന്നിവരാണ് പിടിയിലായത്. കേരളത്തിലെ വിവിധ ഇടങ്ങളില് നിന്നായി ശനിയാഴ്ചയാണ് തമിഴ്നാട് പോലീസ് പ്രതികളെ പിടികൂടിയത്. പിടിയിലായവർ അന്യസംസ്ഥാന മോഷണ സംഘത്തിലെ പ്രധാനികളാണെന്ന് പോലീസ് പറയുന്നു. സംഘത്തിലെ മറ്റ് 10 പേരെ കണ്ടെത്താൻ ശ്രമം തുടരുകയാണ്. ഇതിനായി കാഞ്ചീപുരം പോലീസ് കേരളത്തിലേക്ക് തിരിച്ചിട്ടുണ്ട്.
ഓഗസ്റ്റ് 20-നായിരുന്നു ദേശീയപാതയില് കാര് തടഞ്ഞുനിര്ത്തി കോടികള് കവര്ന്നത്. മുംബൈ സ്വദേശിയുടെ ലോജിസ്റ്റിക്സ് കമ്പനിയുടെ എസ് യു വി തടഞ്ഞായിരുന്നു മോഷണം. കമ്പനി ഉടമയായ മഹാരാഷ്ട്ര ബോറിവിലി സ്വദേശി ജതിന്റെ പരാതിയനുസരിച്ച് കേസെടുത്ത പോലീസ് മൊബൈല്ഫോണ് ടവറുകള് കേന്ദ്രീകരിച്ച് നടത്തിയ അന്വേഷണമാണ് പ്രതികളിലേത്ത് എത്തിച്ചത്. അറസ്റ്റിലായ അഞ്ചുപേരില്നിന്ന് കവര്ച്ച ചെയ്ത പണത്തിന്റെ പകുതിയോളം കണ്ടെത്തിയിട്ടുണ്ട്. കൂട്ടുപ്രതികളെയും ബാക്കി പണവും കണ്ടെത്തുന്നതിന് തമിഴ്നാട് പോലീസ് സംഘം കേരളത്തില് അന്വേഷണം തുടരുകയാണ്.
SUMMARY: Five Malayalis arrested for stealing Rs 4.5 crore from a car on a highway
