ശാസ്താംകോട്ട: വാഹനാപകടത്തില് നാടൻപാട്ട് ഗായികക്ക് ദാരുണാന്ത്യം. കടയ്ക്കല് ചിതറ മാടൻകാവ് ലക്ഷ്മി ഭവനത്തില് ബാലുവിന്റെയും ഷീബയുടെയും മകള് ലക്ഷ്മി (20) ആണ് മരിച്ചത്. കൊട്ടാരക്കര-ഭരണിക്കാവ് പ്രധാന പാതയില് സിനിമാപറമ്പിൽവെച്ച് നാടൻപാട്ട് സംഘം സഞ്ചരിച്ചിരുന്ന പിക്കപ്പ് വാൻ മരത്തിലിടിച്ചാണ് അപകടമുണ്ടായത്.
മൈനാഗപ്പള്ളിയിലെ അഞ്ചംഗ നാടൻപാട്ട് സംഘമാണ് അപകടത്തില്പ്പെട്ടത്. ചടയമംഗലത്തെ പരിപാടി കഴിഞ്ഞ് മടങ്ങുകയായിരുന്നു ഇവർ. സിനിമാപറമ്പിലെ ബവ്റിജസ് ഔട്ട്ലറ്റിന് സമീപത്തെ മരത്തിലേക്ക് പിക്കപ്പ് വാൻ ഇടിച്ചു കയറുകയായിരുന്നു. ഡ്രൈവർ ഉറങ്ങിപ്പോയതാകാം എന്നാണ് പോലീസ് നല്കുന്ന സൂചന.
ലക്ഷ്മിയുടെ മൃതദേഹം ശാസ്താംകോട്ട താലൂക്ക് ആശുപത്രി മോർച്ചറിയിലേക്ക് മാറ്റി. ഒപ്പമുണ്ടായിരുന്ന യുവാക്കള്ക്ക് സാരമായി പരുക്കേറ്റു. ഇവർ ശാസ്താംകോട്ടയിലെ സ്വകാര്യ ആശുപത്രിയില് ചികിത്സയിലാണ്.
SUMMARY: Folk singer dies after vehicle of folk singer group hits tree
