ന്യൂഡൽഹി: ഝാർഖണ്ഡ് മുൻ മുഖ്യമന്ത്രിയും ജെഎംഎം പാർട്ടിയുടെ മുതിർന്ന നേതാവുമായ ഷിബു സോറൻ (81) അന്തരിച്ചു. മുഖ്യമന്ത്രി ഹേമന്ദ് സോറന്റ പിതാവാണ് ഷിബു സോറൻ. കഴിഞ്ഞ ഒരു മാസത്തോളമായി കിഡ്നി സംബന്ധമായ രോഗങ്ങളെ തുടർന്ന് അതീവ ഗുരുതരാവസ്ഥയിൽ ഡൽഹിയിലെ ശ്രീ ഗംഗാറാം ആശുപത്രിയിൽ അദ്ദേഹം ചികിത്സയിലായിരുന്നു, ഝാർഖണ്ഡ് മുക്തി മോർച്ചയുടെ സ്ഥാപക നേതാവാണ് ഷിബു സോറൻ. കഴിഞ്ഞ കുറേ വർഷങ്ങളായി ഷിബു സോറൻ സജീവ രാഷ്ടീയത്തിൽ ഉണ്ടായിരുന്നില്ല. ഹേമന്ത് സോറനാണ് പാർട്ടിയെ നയിച്ചിരുന്നത്.
എട്ട് തവണ ലോക്സഭാംഗമായ ഷിബു സോറന് മൂന്ന് തവണ വീതം കേന്ദ്ര കല്ക്കരി വകുപ്പ് മന്ത്രിയായും പ്രവര്ത്തിച്ചിട്ടുണ്ട്.
1944 ജനുവരി ഒന്നിന് സന്താള് ആദിവാസി കുടുംബത്തില് ജനിച്ച ഷിബു സോറന് 1962-ല് പതിനെട്ടാമത്തെ വയസില് സന്താള് നവയുക്ത് സംഘ് എന്ന പ്രസ്ഥാനം രൂപീകരിച്ചു. തീവ്ര ഇടതുപക്ഷ നയങ്ങള് പിന്തുടരുന്ന സംഘടനയായിരുന്നു ഇത്.1972-ല് ബീഹാറില്നിന്നു വിഭജിച്ച് മറ്റൊരു സംസ്ഥാനം വേണമെന്ന ആവശ്യം ഉയര്ത്തി ഝാര്ഖണ്ഡ് മുക്തി മോര്ച്ച എന്ന പുതിയൊരു പാര്ട്ടി രൂപികരിച്ചു. 1977-ല് തിരഞ്ഞെടുപ്പ് രാഷ്ട്രീയത്തിലിറങ്ങിയ ഷിബു സോറന് ആ വര്ഷത്തെ ലോക്സഭ തെരഞ്ഞെടുപ്പില് ധുംക മണ്ഡലത്തില്നിന്ന് മത്സരിച്ചെങ്കിലും പരാജയപ്പെട്ടു.
പിന്നീട് എട്ട് തവണ ലോക്സഭാംഗമായും മൂന്ന് തവണ വീതം ജാര്ഖണ്ഡ് മുഖ്യമന്ത്രിയായും കേന്ദ്ര കല്ക്കരി വകുപ്പ് മന്ത്രിയുമായി. മൂന്ന് തവണ ഝാര്ഖണ്ഡ് മുഖ്യമന്ത്രിയായെങ്കിലും ആറ് മാസത്തില് കൂടുതല് മുഖ്യമന്ത്രി സ്ഥാനത്ത് തുടര്ന്നില്ല. കൊലപാതക കേസുകളില് വിചാരണ നേരിട്ട ശേഷം വിധി വന്നതിനെ തുടര്ന്ന് മൂന്ന് തവണയും മുഖ്യമന്ത്രി സ്ഥാനം രാജിവച്ചു. 2020 മുതല് ഝാര്ഖണ്ഡില് നിന്നുള്ള രാജ്യസഭാംഗമായിരുന്നു.
SUMMARY: Former Jharkhand Chief Minister Shibu Soren passes away
