ആലപ്പുഴ : അമ്പലപ്പുഴയിലെ യു ഡിഎഫ് സ്ഥാനാര്ത്ഥി ജി സുധാകരന്റെ ഡ്രൈവര്ക്ക് ഫോണിൽ വധഭീഷണി വന്നതായി പരാതി. പുന്നപ്ര നോര്ത്ത് പഞ്ചായത്ത് ആറാം വാര്ഡ് കരിപ്പുറത്ത് വീട്ടില് പ്രദീപ്കുമാറിനാണ് രണ്ട് ഫോണുകളില് നിന്ന് വധ ഭീഷണിയുണ്ടായെന്ന് പറയപ്പെടുന്നത്. പുന്നപ്ര സെന്ട്രല് ലോക്കല് കമ്മറ്റി അംഗമാണ് പ്രദീപ്. ഇന്നലെ രാവിലെയാണ് ആരോ ഫോണില് വിളിച്ച് ഭീഷണിപ്പെടുത്തിയതായി പറയുന്നത്. സംഭവത്തില് പ്രദീപ് കുമാര് പുന്നപ്ര പോലീസില് പരാതി നല്കി.
ദീര്ഘകാലമായി ജി സുധാകരന്റെ ഡ്രൈവറായി പ്രവര്ത്തിക്കുന്ന പ്രദീപിനെ കഴിഞ്ഞ സമ്മേളനത്തിലാണ് ലോക്കല് കമ്മിറ്റിയിലേക്ക് തെരഞ്ഞെടുത്തത്. സുധാകരന് സ്വതന്ത്ര സ്ഥാനാര്ത്ഥിയായതോടെ അദ്ദേഹത്തിന്റെ പ്രചാരണങ്ങളില് പ്രദീപ് സജീവമായി രംഗത്തുണ്ടായിരുന്നു.
മാര്ച്ച് 31-ന് രാവിലെ നാല് തവണയാണ് ഫോണിലൂടെ വധഭീഷണി ഉണ്ടായതെന്ന് പ്രദീപ് പറയുന്നു. തനിക്കൊപ്പം പ്രവര്ത്തിക്കുന്നവരെ സിപിഎം പ്രവര്ത്തകര് ഭീഷണിപ്പെടുത്തുന്നുണ്ടെന്ന് ജി സുധാകരന് നേരത്തെ ആരോപിച്ചിരുന്നു.
SUMMARY: G Sudhakaran’s driver receives death threat; complaint filed with police
