ബെംഗളൂരു: കന്നഡ നടി രന്യ റാവു ഉൾപ്പെട്ട സ്വർണക്കടത്ത് കേസ് നാടകീയമായ വഴിത്തിരിവിലേക്ക്. ഉഗാണ്ടയുമായുള്ള അന്താരാഷ്ട്ര ബന്ധവും തട്ടിപ്പിൽ അവസാനിച്ചതായി ആരോപിക്കപ്പെടുന്ന 50 കിലോ സ്വർണ ഇടപാടും അന്വേഷണ ഉദ്യോഗസ്ഥർ കണ്ടെത്തി. 102.55 കോടി രൂപയുടെ അനധികൃത സ്വർണ ഇറക്കുമതിയുമായി ബന്ധപ്പെട്ട് കേസ് അന്വേഷിക്കുന്ന എൻഫോഴ്സ്മെന്റ് ഡയറക്ടറേറ്റ് (ഇ.ഡി) കോടതിയിൽ വിശദമായ കുറ്റപത്രം സമർപ്പിച്ചു. റാവുവും കൂട്ടാളികളും നടത്തിയിരുന്ന കള്ളക്കടത്ത് ശൃംഖല ദുബൈക്ക് പുറത്തേക്ക് ആഫ്രിക്കൻ രാജ്യങ്ങളിലേക്ക് വ്യാപിച്ചതായും അന്വേഷണത്തിൽ കണ്ടെത്തിയിട്ടുണ്ട്.
സ്വർണം വാങ്ങാൻ റാവു ഉഗാണ്ട ആസ്ഥാനമായുള്ള ഒരു ഏജന്റുമായി പതിവായി ബന്ധപ്പെട്ടിരുന്നു. പ്രവർത്തനങ്ങൾ സുഗമമാക്കുന്നതിനായി ‘വീര ഡയമണ്ട്സ് ട്രേഡിങ്’ എന്ന പേരിൽ ഒരു സ്ഥാപനം ദുബൈയിൽ സ്ഥാപിച്ചു. റാവുവും കൂട്ടാളിയായ രാജുവും അവർ ആശ്രയിച്ചിരുന്ന അതേ ഇടനിലക്കാരനാൽ വഞ്ചിക്കപ്പെട്ടു. ഇടപാടിനായി 33 ലക്ഷം രൂപ അഡ്വാൻസ് നൽകി. 2024 ജനുവരിയിൽ, ചരക്ക് ശേഖരിക്കാൻ രാജു കമ്പാലയിലേക്ക് പോയപ്പോൾ ഏജന്റ് 1.7 ഫണ്ട് ക്രമീകരിക്കാൻ റാവു സമ്മതിച്ചെങ്കിലും തങ്ങൾ വഞ്ചിക്കപ്പെട്ടുവെന്ന് ഇരുവരും പിന്നീട് മനസ്സിലാക്കുകയും ലോക്കൽ പോലീസിൽ പരാതി നൽകുകയും ചെയ്തു.
കഴിഞ്ഞ വർഷം ബെംഗളൂരു വിമാനത്താവളത്തിൽവച്ചാണ് രന്യ പിടിയിലായത്. ദുബായിൽ നിന്നുള്ള പതിനഞ്ച് ദിവസത്തിനിടയിലെ നാലാമത്തെ യാത്രയായതിനാൽ രന്യ നിരീക്ഷണത്തിലായിരുന്നു. വിമാനത്താവളത്തിന് പുറത്തുകടക്കാൻ ഏതാനും അടികൾ മാത്രം ബാക്കിയുള്ളപ്പോഴാണ് റവന്യൂ ഉദ്യോഗസ്ഥർ ഇവരെ പിടികൂടിയത്. വസ്ത്രത്തിനുള്ളിൽ ഒളിപ്പിച്ചും ധരിച്ചും 14.2 കിലോ സ്വർണ്ണമാണ് അന്ന് കടത്താൻ ശ്രമിച്ചത്. തുടർന്ന് ഇവരുടെ വീട്ടിൽ നടത്തിയ പരിശോധനയിൽ 2.06 കോടി രൂപയുടെ സ്വർണ്ണാഭരണങ്ങളും 2.67 കോടി രൂപയും കണ്ടെടുത്തു.
ഒരു കിലോ സ്വർണ്ണം കടത്തുന്നതിന് 4 മുതൽ 5 ലക്ഷം രൂപ വരെയാണ് രന്യ കമ്മീഷനായി വാങ്ങിയിരുന്നത്. സ്വർണ്ണം വിറ്റുകിട്ടുന്ന പണം ഹവാല ചാനലുകൾ വഴിയാണ് കൈമാറിയിരുന്നതെന്നും അന്വേഷണത്തിൽ വ്യക്തമായി. നിലവിൽ ബെംഗളൂരു സെൻട്രൽ ജയിലിലാണ് നടി കഴിയുന്നത്.
SUMMARY: Gold smuggling case; Chargesheet filed against actress Ranya Rao
