ആലപ്പുഴ: ഓടുന്ന വാഹനത്തില്നിന്ന് ഗർഭനിരോധന ഉറകള് നടുറോഡില് തള്ളിയതായി പരാതി. എംസി റോഡില് ചെങ്ങന്നൂർ വെള്ളാവൂർ ജംഗ്ഷനിലാണ് സംഭവം. ഇന്നലെ രാത്രി പത്തുമണിയോടെയാണ് രണ്ടായിരത്തോളം ഗർഭനിരോധന ഉറകള് നടുറോഡില് തള്ളിയത്. ഇവയില് ഉപയോഗിക്കാത്തതും ഉപയോഗിച്ചതും ഉള്പ്പടെയുണ്ടെന്നാണ് വിവരം.
‘ഓടുന്ന വാഹനത്തില്നിന്ന് ഗർഭനിരോധന ഉറകള് റോഡിലേക്ക് ഉപേക്ഷിച്ചതായാണ് മനസിലാകുന്നത്. കുറ്റക്കാർക്കെതിരെ നടപടികള് സ്വീകരിക്കും. അടിയന്തരമായി എംസി റോഡില്നിന്ന് ഇവ നീക്കുന്നതിനായി നഗരസഭാ ഉദ്യോഗസ്ഥരോട് ആവശ്യപ്പെട്ടിട്ടുണ്ട്’.- നഗരസഭാ കൗണ്സിലർ വരുണ് മട്ടയ്ക്കല് പ്രതികരിച്ചു. പ്രദേശത്തെ സിസിടിവി ദൃശ്യങ്ങള് പരിശോധിച്ച് ഗർഭനിരോധന ഉറകള് റോഡില് തള്ളാൻ ഉപയോഗിച്ച വാഹനം കണ്ടെത്താനുള്ള ശ്രമങ്ങള് പോലീസ് ആരംഭിച്ചിട്ടുണ്ട്.
SUMMARY: Around 2,000 used condoms were found abandoned in the middle of the road in Chengannur
