ഡല്ഹി: എസ്എഫ്ഐ അഖിലേന്ത്യ ജോയിന്റ് സെക്രട്ടറി ഐഷി ഘോഷിനെ വേട്ടയാടിയ ഡല്ഹി പോലിസിന് കോടതിയില് നിന്ന് കനത്ത തിരിച്ചടി. ഐഷി ഘോഷിനെതിരായ ജാമ്യമില്ലാ വാറണ്ട് കോടതി റദ്ദാക്കി. കഴിഞ്ഞ ദിവസം ഡല്ഹി പട്യാല ഹൗസ് കോടതി അറസ്റ്റ് സ്റ്റേ ചെയ്തിരുന്നു. ഇന്ന് കേസ് വീണ്ടും പരിഗണിച്ചതിലാണ് ഐഷി ഘോഷിനെതിരായ അറസ്റ്റ് വാറന്റ് റദ്ദാക്കിയത്.
നേരത്തെ അയച്ച സമന്സില് ഹാജരാകാത്തതിന് പിഴ അടക്കണമെന്നും നിര്ദേശമുണ്ട്. 2021ല് ബംഗ്ലാ ഭവനിലേക്ക് നടത്തിയ മാര്ച്ചിന്റെ ഭാഗമായുള്ള കേസിലാണ് പട്യാല ഹൗസ് കോടതി ഏപ്രില് 15ന് ഐഷിക്കെതിരെ ജാമ്യമില്ലാ വാറണ്ട് പുറപ്പെടുവിച്ചത്. എന്നാല് മാസങ്ങള് കഴിഞ്ഞിട്ടും അറസ്റ്റ് വാറണ്ടില് സമന്സോ അറിയിപ്പോ നല്കിയിരുന്നില്ല. ജന്തര് മന്തറിലെ പ്രതിഷേധത്തിന് ശേഷമാണ് കേസില് വീണ്ടും നടപടിയുണ്ടാകുന്നത്.
കഴിഞ്ഞ ദിവസം എകെജി ഭവനിലേയ്ക്ക് ഡല്ഹി പോലിസ് അതിക്രമിച്ചു കയറി ഐഷി ഘോഷിനെ അറസ്റ്റ് ചെയ്യാനെത്തിയിരുന്നു. എന്നാല് യൂണിഫോമും നെയിം പ്ലേറ്റും ഇല്ലാതെ സ്വകാര്യ വാഹനത്തില് എത്തിയ പോലിസിനെ ജോണ്ബ്രിട്ടാസ് എംപി ചോദ്യം ചെയ്യുകയും മടക്കി അയക്കുകയും ചെയ്തിരുന്നു. പിന്നാലെയാണ് പോലിസിന്റെ അന്യായ നടപടിക്കെതിരേ ഐഷി ഘോഷ് കോടതിയെ സമീപിച്ചത്.
SUMMARY: Setback for Delhi Police; court quashes Aishe Ghosh’s warrant
