തിരുവനന്തപുരം: കേരളം നാളെ പോളിങ് ബൂത്തിലേക്ക്. രാവിലെ 7 മണിമുതല്‍ വൈകിട്ട് 6 മണി വരെയാണ് വോട്ടെടുപ്പ്. രണ്ടു ലക്ഷത്തിനടുത്ത് ആളുകള്‍ വീട്ടിലിരുന്നു വോട്ട് ചെയ്തുകഴിഞ്ഞു. വോട്ട് ചെയ്യാനായി പോകുമ്പോൾ താഴെ പറയുന്ന കാര്യങ്ങൾ അറിഞ്ഞിരിക്കുക. തിരഞ്ഞെടുപ്പിൽ വോട്ടർമാർക്ക് പോളിംഗ് സ്റ്റേഷനിൽ വോട്ട് രേഖപ്പെടുത്തുന്നതിനായി തിരിച്ചറിയൽ രേഖകൾ കൈയിൽ കരുതേണ്ടത് നിർബന്ധമാണ്.
അതിനായി താഴെ പറയുന്ന ഏതെങ്കിലും ഒരു അംഗീകൃത ഫോട്ടോ പതിപ്പിച്ച തിരിച്ചറിയൽ രേഖ ഉപയോഗിക്കാവുന്നതാണെന്ന് തിരഞ്ഞെടുപ്പ് കമ്മീഷൻ അറിയിച്ചു. വോട്ടർ പട്ടികയിൽ പേരുള്ളവർക്ക് വോട്ടർ ഐഡി കാർഡ് (EPIC) ഹാജരാക്കാൻ സാധിക്കാത്ത സാഹചര്യത്തിൽ താഴെ പറയുന്ന 12 രേഖകളിൽ ഒന്ന് തിരിച്ചറിയൽ രേഖയായി സ്വീകരിക്കുന്നതാണ്:
തിരഞ്ഞെടുപ്പില്‍ വോട്ട് ചെയ്യാന്‍ തിരിച്ചറിയല്‍ രേഖയായി ഉപയോഗിക്കേണ്ടത് ഇലക്‌ഷൻ ഐഡി കാര്‍ഡ് (എപിക്) ആണ്. ഇത് ഹാജരാക്കാൻ സാധിക്കാത്ത സാഹചര്യത്തിൽ താഴെ പറയുന്ന 12 രേഖകളിൽ ഒന്ന് തിരിച്ചറിയൽ രേഖയായി സ്വീകരിക്കുന്നതാണ്:
1,ആധാർ കാർഡ്
2,തൊഴിലുറപ്പ് പദ്ധതി ( എം എൻ ആർ ഇ ജി എ) ജോബ് കാർഡ്
3, ബാങ്ക്/പോസ്റ്റ് ഓഫീസ് നൽകുന്ന ഫോട്ടോ പതിപ്പിച്ച പാസ്ബുക്ക്
4, തൊഴിൽ മന്ത്രാലയത്തിന്റെ ആരോഗ്യ ഇൻഷുറൻസ് സ്മാർട്ട് കാർഡ് / ആയുഷ്മാൻ ഭാരത് ഹെൽത്ത് കാർഡ്
5, ഡ്രൈവിംഗ് ലൈസൻസ്
6, പാൻ കാർഡ്
7, എൻ.പി.ആർ സ്കീമിന് കീഴിൽ ആർ.ജി.ഐ നൽകിയ സ്മാർട്ട് കാർഡ്
8, ഇന്ത്യൻ പാസ്‌പോർട്ട്
9,ഫോട്ടോ പതിപ്പിച്ച പെൻഷൻ രേഖ
10, കേന്ദ്ര/സംസ്ഥാന സർക്കാരുകൾ അല്ലെങ്കിൽ പൊതുമേഖലാ സ്ഥാപനങ്ങൾ/ പബ്ലിക് ലിമിറ്റഡ് കമ്പനികൾ എന്നിവ ജീവനക്കാർക്ക് നൽകുന്ന ഫോട്ടോ പതിപ്പിച്ച ഐ ഡി കാർഡുകൾ
11, എം.പി/എം.എൽ.എ/എം.എൽ.സി മാർക്ക് നൽകിയിട്ടുള്ള ഔദ്യോഗിക തിരിച്ചറിയൽ കാർഡുകൾ
12, കേന്ദ്ര സാമൂഹിക നീതി ആൻഡ് ശാക്തീകരണ മന്ത്രാലയം നൽകുന്ന യുണീക് ഡിസബിലിറ്റി ( യു ഡി ഐ ഡി ) കാർഡ്.
