ബെംഗളൂരു: കർണാടകയിലെ തീരദേശ ജില്ലകളിൽ ശക്തമായ മഴ തുടരുന്ന പശ്ചാത്തലത്തിൽ ജൂൺ 16 രാവിലെ 8 30 വരെ റെഡ് അലർട്ട് പ്രഖ്യാപിച്ച് കേന്ദ്ര കാലാവസ്ഥാ വകുപ്പ്. ദക്ഷിണ കന്നഡ, ഉത്തര കന്നഡ, ഉഡുപ്പി ജില്ലകളിലാണ് റെഡ് അലർട്ട് പ്രഖ്യാപിച്ചത്. മണിക്കൂറിൽ 40 മുതൽ 50 കിലോമീറ്റർ വേഗതയിൽ കാറ്റിനും ഇടിമിന്നലിനും സാധ്യതയുള്ളതായും കാലാവസ്ഥ കേന്ദ്രം മുന്നറിയിപ്പ് നൽകുന്നു.
കഴിഞ്ഞ മൂന്നു ദിവസമായി ഈ പ്രദേശങ്ങളിൽ കനത്ത മഴയാണ് ലഭിച്ചിരിക്കുന്നത്. മംഗളൂരു നഗരത്തിൽ നിരവധി താഴ്ന്ന പ്രദേശങ്ങൾ വെള്ളത്തിനടിയിലായതായി റിപ്പോർട്ടുകളുണ്ട്. നഗരത്തിലെ പ്രധാന ജംഗ്ഷനായ പമ്പ് വെല് ഫ്ലൈ ഓവറിന് താഴെയുള്ള റോഡുകൾ വെള്ളത്തിനടിയിലായതിനാൽ ഗതാഗത തടസ്സം നേരിട്ടു. പഡീൽ റെയിൽവേ അണ്ടർ പാസും കാർ സ്ട്രീറ്റിന്റെ ചില ഭാഗങ്ങളും വെള്ളത്തിനടിയിലായി. നഗരത്തിലെ നിരവധി റെസിഡൻഷ്യൽ ഏരിയകളിൽ വീടുകളിൽ മഴവെള്ളം കയറിയതായും റിപ്പോർട്ടുകൾ ഉണ്ട്.
SUMMARY : Heavy rains continue; Red alert in coastal districts of Karnataka till June 16
