ബെംഗളൂരു: കനത്ത മഴ തുടരുന്നതിനാൽ കുടക് ജില്ലയിലെ വിദ്യാഭ്യാസ സ്ഥാപനങ്ങൾക്കു കലക്ടർ ഇന്ന് അവധി പ്രഖ്യാപിച്ചു. അംഗനവാടി, സ്കൂൾ, പിയു കോളജ് ഉൾപ്പെടെ അവധി ബാധകമാണ്. ജില്ലയിൽ കനത്ത മഴയും കാറ്റും തുടരുന്നതിനാൽ അനിഷ്ട സംഭവങ്ങൾ ഒഴിവാക്കാൻ ജാഗ്രത തുടരുന്നതായി അധികൃതർ അറിയിച്ചു.
അതിനിടെ ഉഡുപ്പി, ദക്ഷിണ കന്നഡ ജില്ലകളിലെ സ്കൂളുകളിൽ മഴയിൽ നഷ്ടമായ അധ്യയന ദിവസങ്ങൾക്കു പകരം ഓഗസ്റ്റ് 15നു ശേഷം ശനിയാഴ്ചകളിൽ ക്ലാസ് നടത്താൻ അധികൃതർ തീരുമാനിച്ചു. കനത്ത മഴയെ തുടർന്ന് ഒട്ടേറെ ദിവസങ്ങളിൽ അവധി നൽകേണ്ടി വന്ന സാഹചര്യത്തിലാണ് നടപടി.
SUMMARY: Heavy rain in Kodagu; Holiday declared for schools and PU colleges on July 28.
