തിരുവല്ല: തിരുവല്ലയിലെ കുറ്റൂരില് കടപുഴകിയ മരത്തിന് അടിയില്പ്പെട്ട് വീട്ടമ്മയ്ക്ക് ദാരുണാന്ത്യം. കുറ്റൂർ 11ാം വാർഡില് മരപ്പാങ്കുഴിയില് വീട്ടില് പരേതനായ ഉണ്ണികൃഷ്ണന്റെ ഭാര്യ വത്സലകുമാരി (70) ആണ് മരിച്ചത്. തിങ്കളാഴ്ച വൈകീട്ട് അഞ്ചുമണിയോടെ ആയിരുന്നു സംഭവം.
വീടിന് പിൻവശത്ത് ഉണക്കാനിട്ടിരുന്ന കുടംപുളി കുട്ടയില് ആക്കുന്നതിനിടെ പുരയിടത്തിലെ മാവ് കടപുഴകി വത്സലകുമാരിയുടെ മേല് പതിക്കുകയായിരുന്നു. സംഭവ സ്ഥലത്ത് വച്ച് തന്നെ ഇവർ മരണപ്പെട്ടു. മൃതദേഹം തിരുവല്ല താലൂക്ക് ആശുപത്രി മോർച്ചറിയിലേക്ക് മാറ്റി. മക്കള്: സുനില്കുമാർ, സ്മിത. മരുമകള്: സിന്ധു.
SUMMARY: Housewife dies after tree trunk falls on her while standing in her backyard
