ബെംഗളൂരു: എച്ച്ഡബ്ല്യുഎ ചാരിറ്റബ്ൾ ഫൗണ്ടേഷന്റെ നേതൃത്വത്തിൽ ബെംഗളൂരു നോർത്ത്, സൗത്ത്, ഈസ്റ്റ്, വെസ്റ്റ് ഏരിയകളിലെ വ്യത്യസ്ത പ്രദേശങ്ങളിൽ താമസിക്കുന്ന പാവപ്പെട്ട കുടുംബങ്ങൾക്ക് ഇഫ്താർ കിറ്റുകൾ വിതരണം ചെയ്തു. ഇലക്ട്രോണിക് സിറ്റി, നാഗർഭാവി, ഹെഗ്ഡെ നഗർ, ആർ.ടി നഗർ, കമ്മനഹള്ളി, നീൽ സാന്ദ്ര, ബെൽ റോഡ്, കെങ്കേരി, കോൾസ് പാർക്ക്, കോറമംഗല, മജസ്റ്റിക് തുടങ്ങി വിവിധ പ്രാദേശിക ഘടകങ്ങളുടെ സഹായത്തോടെ നിർധനരായ 600 ലധികം കുടുംബങ്ങൾക്കാണ് കിറ്റുകൾ വിതരണം ചെയ്തത്.
ബെംഗളൂരുവിലെ ചേരിപ്രദേശങ്ങളിൽ താമസിക്കുന്ന ദുർബലരായ മനുഷ്യരുടെ പ്രയാസങ്ങൾ ദുരീകരിക്കുന്നതിന് വേണ്ടി എഡ്യൂക്കേഷൻ സ്കോളർഷിപ്പ്, ലൈവ്ലിഹുഡ് സപ്പോർട്ട്, മെഡിക്കൽ ഹെൽപ്, മാസം തോറും 200 ന് അടുത്ത് കുടുംബങ്ങൾക്ക് റേഷൻ, ചേരി പ്രദേശങ്ങളുടെ വികസനം ലക്ഷ്യം വെച്ച് കൊണ്ട് ‘ഉദ്ഭവ്’ സ്ലം ഡവലപ്മെൻ്റ് പ്രൊജക്ട് തുടങ്ങി വ്യത്യസ്ത രീതിയിലുള്ള സേവന പ്രവർത്തനങ്ങൾ എച്ച്ഡബ്ലുഎ നടത്തി വരുന്നുണ്ട്. വിവിധ പ്രദേശങ്ങളിലായി നടന്ന കിറ്റ് വിതരണത്തിൽ നൂറുകണത്തിന് വളണ്ടിയർമാർ പങ്കെടുത്തു.
SUMMARY: HWA Charitable Foundation distributes Iftar kits
