ഐ.​പി.​എ​ൽ: ഗു​ജ​റാ​ത്തി​നെ തോ​ൽ​പി​ച്ച് ആ​ർ.​സി.​ബി ഫൈ​ന​ലി​ൽ

ധരംശാല: ഐപിഎൽ ക്വാളിഫയർ 1ൽ ​ഗുജറാത്തിനെ പരാജയപ്പെടുത്തി റോയൽ ചലഞ്ചേഴ്സ് ബെം​ഗളൂരു ഫൈനലിൽ. 92 റൺസിനാണ് ആർസിബിയുടെ ജയം. ക്യാപ്റ്റൻ രജത് പാട്ടിദാറിന്റെ വെടിക്കെട്ട് ബാറ്റിം​ഗിന്റെ കരുത്തിൽ 254 റൺസ് ആണ് ബെം​ഗളൂരു നേടിയത്.  അർധസെഞ്ചറി നേടിയ ക്യാപ്റ്റൻ രജത് പാട്ടിദാറിന്റെ പ്രകടനമാണ് ടീമിന്റെ വമ്പൻ ജയത്തിൽ പ്രധാന പങ്കുവഹിച്ചത്. ക്രുനാൽ പാണ്ഡ്യ (28 പന്തിൽ 43), വിരാട് കോലി (25 പന്തിൽ 43), ദേവ്ദത്ത് പടിക്കൽ (19 പന്തിൽ 30) എന്നിവരും മികച്ച പ്രകടനങ്ങൾ കാഴ്ചവെച്ചു.

ടോസ് നഷ്ടപ്പെട്ട് ബാറ്റിങ്ങിനിറങ്ങിയ ആർസിബിയുടെ വിരാട് കോഹ്‌ലിക്കൊപ്പം ഓപണറായെത്തിയ വെങ്കടേശ് അയ്യർ ഏഴ് പന്തിൽ 19 റൺസടിച്ച് രണ്ടാം ഓവറിൽത്തന്നെ കാഗിസോ റബാദക്ക് വിക്കറ്റ് നൽകി മടങ്ങി. കോഹ്‌ലിയും മലയാളി താരം ദേവ്ദത്ത് പടിക്കലും ചേർന്ന് സ്കോർ ഉയർത്തി. 25 പന്തിൽ 43 റൺസ് നേടിയ കോഹ്‌ലിയെ ജേസൻ ഹോൾഡർ ഒമ്പതാം ഓവറിൽ ബൗൾഡാക്കിയപ്പോൾ സ്കോർ രണ്ടിന് 93. ദേവ്ദത്തിനെയും ഹോൾഡർ പുറത്താക്കി. 19 പന്തിൽ 30 റൺസായിരുന്നു എടപ്പാളുകാരന്റെ സംഭാവന. പിന്നീട് 28 പന്തിൽ 43 റൺസെടുത്ത ക്രുനാലിനെ 17ാം ഓവറിൽ റബാദ മടക്കി.

⏩ 0:07 🔥🔥🔥 pic.twitter.com/O51RqMyrB3

— Royal Challengers Bengaluru (@RCBTweets) May 26, 2026

15ാം ഓവറിൽ 150 കടന്ന ആർ.സി.ബിക്ക് 200ലെത്താൻ തുടർന്ന് വേണ്ടിവന്നത് വെറും 14 പന്തുകൾ. 21 പന്തിൽ അർധ ശതകം കടന്ന പാടിദാറിന്റെ ചിറകിലേറി മുന്നേറവെ ടിം ഡേവിഡിനെ (4) പ്രസിദ്ധ് കൃഷ്ണ കുറ്റി തെറിപ്പിച്ചു വിട്ടു. ജിതേഷ് ശർമക്കൊപ്പം പാടിദാർ ഡെത്ത് ഓവറുകളിലും തകർത്താടി. ജിതേഷ് അഞ്ച് പന്തിൽ 15 റൺസുമായി പുറത്താവാതെ നിന്നു. 255 റൺസെന്ന കൂറ്റൻ വിജയലക്ഷ്യം പിന്തുടർന്നെത്തിയ ഗുജറാത്ത് ടൈറ്റൻസ് 19.3 ഓവറിൽ 162 റൺസിന് ഓൾഔട്ടാകുകയായിരുന്നു. ഒരു ഘട്ടത്തിൽ 100 പോലും കടക്കില്ല എന്ന് കരുതിയ ​ഗുജറാത്തിനെ രാഹുൽ തെവാത്തിയ (43 പന്തിൽ 68) ആണ് നാണംകെട്ട തോൽവിയിൽ നിന്നും രക്ഷിച്ചത്. മൂന്ന് വിക്കറ്റ് വീഴ്ത്തിയ ജേക്കബ് ഡഫിയും രണ്ട് വീതം വിക്കറ്റുകൾ വീഴ്ത്തിയ ഭുവനേശ്വർ കുമാറും റാസിക് സലാമും ക്രുനാൽ പാണ്ഡ്യയുമാണ് ഗുജറാത്തിനെ തകർക്കുന്നതിൽ മുഖ്യപങ്കുവഹിച്ചത്. ജോഷ് ഹേസൽവുഡ് ഒരു വിക്കറ്റും വീഴ്ത്തി.

🗣️ Alexa, play “𝑭𝒍𝒂𝒔𝒉𝒊𝒏𝒈 𝑳𝒊𝒈𝒉𝒕𝒔” 🎶 pic.twitter.com/LzD4KVbf1q

— Royal Challengers Bengaluru (@RCBTweets) May 26, 2026

ഇന്നലത്തെ മത്സരത്തോടെ ഐപിഎല്‍ പ്ലേഓഫ് ചരിത്രത്തിലെ ഏറ്റവും ഉയര്‍ന്ന ടീം ടോട്ടല്‍ എന്ന റെക്കോര്‍ഡും ആര്‍.സി.ബി സ്വന്തമാക്കി. കൂടാതെ, ഈ ഇന്നിംഗ്‌സോടെ ഐ.പി.എല്‍ ചരിത്രത്തില്‍ തുടര്‍ച്ചയായി നാല് സീസണുകളില്‍ 600-ലധികം റണ്‍സ് നേടുന്ന ആദ്യ കളിക്കാരനായി വിരാട് കോഹ്ലി മാറി.

SUMMARY: IPL: RCB enters final after defeating Gujarat