കണ്ണൂർ: അർജുൻ ആയങ്കിക്കെതിരെ കാപ്പ ചുമത്തി. കണ്ണൂർ സിറ്റി പോലീസ് കമ്മീഷണർ സമർപ്പിച്ച ശുപാർശ അംഗീകരിച്ചുകൊണ്ട് ജില്ലാ കളക്ടറാണ് ഉത്തരവ് പുറപ്പെടുവിച്ചത്. കഴിഞ്ഞ ഏഴ് വർഷത്തിനിടെ ഒൻപത് ക്രിമിനല് കേസുകളില് പ്രതിയായ അർജുൻ ആയങ്കി സമൂഹത്തിന് ഭീഷണിയാണെന്ന് ഉത്തരവില് വ്യക്തമാക്കുന്നു.
നിലവില് ജുഡീഷ്യല് കസ്റ്റഡിയില് കഴിയുന്ന ഇയാള്ക്ക് ജാമ്യം ലഭിച്ചാല് വീണ്ടും കുറ്റകൃത്യങ്ങളില് ഏർപ്പെടാൻ സാധ്യതയുണ്ടെന്ന ബോധ്യത്തിന്റെ അടിസ്ഥാനത്തിലാണ് കരുതല് തടങ്കലില് പാർപ്പിക്കാൻ തീരുമാനിച്ചത്. ആയങ്കിയെ കണ്ണൂർ സെൻട്രല് ജയിലില് അടയ്ക്കാനാണ് കളക്ടറുടെ ഉത്തരവ്. ഈ ഉത്തരവ് ഉടൻ നടപ്പിലാക്കി പ്രതിയെ അറസ്റ്റ് ചെയ്ത് കണ്ണൂർ സെൻട്രല് ജയില് സൂപ്രണ്ടിന് മുമ്പാകെ ഹാജരാക്കാൻ കമ്മീഷണർക്ക് കളക്ടർ കർശന നിർദേശം നല്കി.
SUMMARY: KAPA invoked against Arjun Ayanki: 9 criminal cases in 7 years
