ബെംഗളൂരു: കർണാടകയിൽ മഴ വീണ്ടും ശക്തമാകാൻ സാധ്യതയെന്ന് കാലാവസ്ഥാ വകുപ്പ്. തീരദേശ കർണാടകയിലും മലനാട് മേഖലകളിലുമുള്ള ഏഴ് ജില്ലകളിലാണ് ഇന്ന് കൂടുതൽ മഴയ്ക്ക് സാധ്യത.
ദക്ഷിണ കന്നഡ, ഉഡുപ്പി, ഉത്തര കന്നഡ, ചിക്കമഗളൂരു, ശിവമോഗ, കുടക്, ഹാസൻ ജില്ലകളിൽ മഴ ശക്തമാകാൻ സാധ്യതയുണ്ട്. ചിലയിടങ്ങളിൽ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയുണ്ട്.
അതേസമയം ബെംഗളൂരുവിൽ മേഘാവൃതമായ കാലാവസ്ഥയ്ക്കൊപ്പം ചാറ്റൽമഴയ്ക്കും നേരിയ മഴയ്ക്കും സാധ്യതയുണ്ട്. നഗരത്തിൽ നിലവിൽ അതിശക്തമായ മഴയ്ക്കുള്ള മുന്നറിയിപ്പില്ല.
വടക്കൻ ഉൾനാടൻ കർണാടകയിലെ ചില പ്രദേശങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ കാറ്റിനും സാധ്യതയുണ്ട്.
തീരദേശ-മലനാട് മേഖലകളിൽ മഴ ശക്തമാകാൻ സാധ്യതയുള്ളതിനാൽ ജനങ്ങൾ ജാഗ്രത പാലിക്കണമെന്ന് കാലാവസ്ഥാ വകുപ്പ് മുന്നറിയിപ്പ് നൽകി.
SUMMARY: Rains will be heavy in Karnataka; Chance of showers in Bengaluru
