ബെംഗളൂരു: ബുക്ക് ബ്രഹ്മയുടെ മൂന്നാമത് സാഹിത്യോത്സവത്തിന് ഇന്ന് ബെംഗളൂരു കോറമംഗല സെന്റ് ജോണ്സ് ഓഡിറ്റോറിയത്തില് തുടക്കമാകും. രാവിലെ 10 മണിക്ക് പ്രധാന വേദിയായ മണ്ഡപയിൽ ഫെസ്റ്റിവൽ ഡയറക്ടർ സതീഷ് ചപ്പാരികെയുടെ സ്വാഗത പ്രസംഗത്തോടയാണു മൂന്ന് ദിവസങ്ങളിലായി നടക്കുന്ന അക്ഷരോത്സവത്തിന് തിരശ്ശീല ഉയരുന്നത്. തുടര്ന്നു വിവിധ വേദികളില് വിവിധ സെഷനുകള് നടക്കും.
കന്നഡ, മലയാളം, തെലുങ്ക്, തമിഴ്, ഇംഗ്ലീഷ് ഭാഷകളിലായി 400 ലേറെ ഇന്ത്യൻ സാഹിത്യകാരന്മാർ പങ്കെടുക്കുന്ന 200 ഓളം ക്യൂറേറ്റഡ് സെഷനുകളാണ് മൂന്ന് ദിവസങ്ങളിലായി നടക്കുക. മണ്ഡപ, മഥന, അക്ഷര, അംഗല എന്നി വേദികളിൽ സംവാദങ്ങളും മുഖാമുഖി, അനാവരണ, ചിന്നര ലോക, പോയട്രീ, ന്യൂസെൻ എന്നീ വേദികളിലായി പുസ്തക പ്രകാശനങ്ങള്, സാംസ്കാരിക പരിപാടികള് എന്നിവയും നടക്കും. 23നാണ് സമാപനം.
ഇന്നത്തെ പരിപാടികളില് ചിലത്.
രാവിലെ 10.05 മുതൽ 10.50 വരെ മണ്ഡപയിൽ ഇംഗ്ലീഷ് വിഭാഗത്തില് നടക്കുന്ന ഭാഷാ മേധാവിത്വം: ഇന്ത്യൻ ഭാഷകളും ഫെഡറൽ ഭാവനയും എന്ന വിഷയത്തില് എന്ന ചര്ച്ചയില് എഴുത്തുകാരന് എൻ.എസ്. മാധവൻ പങ്കെടുക്കും. ഒ.എൽ. നാഗഭൂഷണ സ്വാമി, എം.എസ്. ആശാദേവി, കേശവ ഗുഹ, ദിവ്യ കലാവാല (മോഡറേറ്റര്) എന്നിവരും പരിപാടിയുടെ ഭാഗമാകും.
വൈകിട്ട് 5.40 ന് നടക്കുന്ന പുസ്തക ബ്രഹ്മ നോവൽ മത്സര പുരസ്കാര ചടങ്ങില് മുഖ്യാതിഥിയായി എഴുത്തുകാരി കെ.ആർ. മീര പങ്കെടുക്കും.
ഇന്നത്തെ മലയാളം സെഷനുകള് :
21-08-2026 | വേദി: മഥന | രാവിലെ 11 മുതൽ 11.50 വരെ
നോവലിലെ അനുഭവലോകം
പങ്കെടുക്കുന്നവർ: ബെന്യാമിൻ, ഇ സന്തോഷ് കുമാർ, പി വി ഷാജികുമാർ, ഡെന്നീസ് പോൾ (മോഡറേറ്റർ)
ഉച്ചയ്ക്ക് 2 മുതൽ 2.50 വരെ | വേദി: മഥന
എഴുത്തും വായനയും
പങ്കെടുക്കുന്നവർ: സോണിയ ചെറിയാൻ, ബിന്ദു സജീവ്, രമ പിഷാരടി, സതീഷ് തോട്ടശ്ശേരി, മുഹമ്മദ് കുനിങ്ങാട് (മോഡറേറ്റർ)
വൈകിട്ട് 4 മുതൽ 4.50 | വേദി: അക്ഷര
വിനിമയം വിവർത്തനത്തിലൂടെ
പങ്കെടുക്കുന്നവർ: കെ മോഹൻ കുണ്ഠാർ, വിഷ്ണുമംഗലം കുമാർ, സുധാകരൻ രാമന്തളി, മായ ബി നായർ (മോഡറേറ്റർ)
ബുക്ക് ബ്രഹ്മ സാഹിത്യോത്സവത്തിലെ എല്ലാ സാഹിത്യ ചര്ച്ചകളിലേക്കും പുസ്തക പ്രകാശനങ്ങളിലേക്കും സാംസ്കാരിക പരിപാടികളിലേക്കും പ്രവേശനം സൗജന്യമാണ്. പങ്കെടുക്കാന് ആഗ്രഹിക്കുന്നവര്ക്ക് www.bookbrahmalitfest.comഎന്ന ഔദ്യോഗിക വെബ്സൈറ്റ് വഴി രജിസ്റ്റര് ചെയ്യാവുന്നതാണ്.
SUMMARY: The curtain will rise today for the Book Brahma Literary Festival
