ബെംഗളൂരു: ബാംഗ്ലൂര് കേരളസമാജത്തിന്റെ ആഭിമുഖ്യത്തില് കര്ണാടക സംസ്ഥാനത്തെ യുവാക്കള്ക്കായി യുവജനോത്സവം സംഘടിപ്പിക്കുന്നു. ഓഗസ്റ്റ് 8,9 തിയ്യതികളില് ഇന്ദിരാനഗര് കൈരളീ നികേതന് എഡൃൂക്കേഷന് ട്രസ്റ്റ് ക്യാമ്പസില് മൂന്ന് വേദികളിലായി നടക്കും.
പദ്യം ചൊല്ലല്, ലളിതഗാനം, ശാസ്ത്രീയ സംഗീതം, നാടന് പാട്ട്, മാപ്പിള പ്പാട്ട് , പ്രസംഗം (മലയാളം), നാടോടി നൃത്തം, ഭരതനാട്യം, മോഹിനിയാട്ടം, കുച്ചുപ്പുടി, ഓട്ടന്തുള്ളല്, മിമിക്രി, മോണോആക്റ്റ്, സംഘനൃത്തം, കൈകൊട്ടിക്കളി (തിരുവാതിര), ഒപ്പന, മാര്ഗംകളി, ദഫ് മുട്ട് എന്നീ 18 ഇനങ്ങളില് മത്സരം നടക്കും. 5 മുതല് 18 വയസുവരെ സബ് ജൂനിയര്, ജൂനിയര്, സീനിയര് എന്നീ മൂന്നു വിഭാഗങ്ങളിലായി മത്സരം നടക്കും. നൃത്ത ഇനങ്ങളില് ആണ്കുട്ടികള്ക്കും പെണ്കുട്ടികള്ക്കും പ്രത്യേകം മത്സരമുണ്ടാകും. (സബ് ജൂനിയര് 5-8,ജൂനിയര് 9-13, സീനിയര് 14- 18 വയസ്)
കര്ണാടകയുടെ എല്ലാഭാഗത്തുനിന്നുമുള്ള കലാകാരന്മാര്ക്ക് മത്സര ങ്ങളില് പങ്കെടുക്കാം. വ്യക്തിഗത മത്സരങ്ങളില് ഒരാള്ക്ക് പരാമാവധി 5 ഇനങ്ങളില് പങ്കെടുക്കാം. വ്യക്തിഗത മത്സരങ്ങളില് ലഭിക്കുന്ന പോയന്റുകളുടെ അടിസ്ഥാനത്തില് കലാതിലകത്തെയും കലാപ്രതിഭയെയും തെരഞ്ഞെടുക്കും .മൂന്നു വിഭാഗത്തിലും കലാതിലകവും കലാപ്രതിഭയും ഉണ്ടാകുമെന്ന് ജനറല് സെക്രട്ടറി റജി കുമാര് , കള്ച്ചറല് സെക്രട്ടറി മുരളിധരന് എന്നിവര് അറിയിച്ചു. മത്സരത്തില് പങ്കെടുക്കാന് ആഗ്രഹിക്കുന്നവര് ജൂലൈ 31 ന് മുന്പായി പേര് രജിസ്റ്റര് ചെയ്യേണ്ടതാണ്. വിശദവിവരങ്ങള്ക്ക് – 90363 39194, 87926 87607.
