ബെംഗളൂരു: കർഷക പ്രതിഷേധങ്ങൾ ശക്തമായതോടെ ദേവനഹള്ളിയിൽ എയ്റോസ്പേസ് പാർക്ക് നിർമിക്കുന്നതിനായി 1777 ഏക്കർ ഭൂമി ഏറ്റെടുക്കാനുള്ള നടപടികളിൽ നിന്നു പിന്മാറുന്നതായി മുഖ്യമന്ത്രി സിദ്ധരാമയ്യ പ്രഖ്യാപിച്ചു. കർഷക സംഘടനാ നേതാക്കളുമായി നടത്തിയ ചർച്ചയ്ക്കു ശേഷമാണ് മുഖ്യമന്ത്രിയുടെ പ്രഖ്യാപനം. കർഷക ഭൂമി ഏറ്റെടുക്കാനുള്ള നടപടികളിൽ നിന്നു പിന്തിരിയുന്നതായും ഇതിനുള്ള വിജ്ഞാപനം പിൻവലിക്കുമെന്നും അദ്ദേഹം പറഞ്ഞു.
3 വർഷമായി തുടരുന്ന സമരമാണ് ഒടുവിൽ വിജയം കണ്ടത്. ബെംഗളൂരു നോർത്ത് ജില്ലയിലെ ചന്നരായപട്ടണ ഹോബ്ലിയിലാണ് ഭൂമി ഏറ്റെടുക്കലിനെതിരെ പ്രതിഷേധം ഉയർന്നത്. ചരിത്രത്തിൽ രേഖപ്പെടുത്തേണ്ട പ്രക്ഷോഭമാണ് കർഷകർ നടത്തിയതെന്നും സിദ്ധരാമയ്യ പ്രശംസിച്ചു.
SUMMARY: Karnataka govt drops plan to acquire 1,777 acres for aerospace park near Devanahalli.
