ബെംഗളൂരു: ചിന്നസ്വാമി സ്റ്റേഡിയം ദുരന്തത്തിൽ ബെംഗളൂരു മുൻ സിറ്റി പോലീസ് കമ്മിഷണർ ബി. ദയാനന്ദ ഉൾപ്പെടെ 4 ഉദ്യോഗസ്ഥരുടെ സസ്പെൻഷൻ സംസ്ഥാന സർക്കാർ പിൻവലിച്ചു. ദയാനന്ദയ്ക്കു പുറമെ ഡിസിപി ശേഖർ എച്ച്. തെക്കന്നവർ, എസിപി സി. ബാലകൃഷ്ണ, ഇൻസ്പെക്ടർ എ.കെ. ഗിരീഷ് എന്നിവരുടെ സസ്പെൻഷനാണ് പിൻവലിച്ചത്. എന്നാൽ ഇവരുടെ പുതിയ ചുമതല സംബന്ധിച്ച് വ്യക്തതയില്ല.
എസിപി വികാശ് കുമാർ വികാശിന്റെ സസ്പെൻഷൻ പിൻവലിച്ചിട്ടില്ല. സസ്പെൻഷൻ നടപടി ചോദ്യം ചെയ്ത് വികാശ് സമർപ്പിച്ച ഹർജി ഹൈക്കോടതി പരിഗണിക്കുന്ന പശ്ചാത്തലത്തിലാണിത്. ജൂൺ 4ന് സ്റ്റേഡിയത്തിൽ ആർസിബിയുടെ വിജയാഘോഷത്തിനിടെ തിക്കിലും തിരക്കിലും 11 പേർ മരിച്ച സംഭവത്തിനു പിന്നാലെയാണ് ഉദ്യോഗസ്ഥരെ സസ്പെൻഡ് ചെയ്തത്.
SUMMARY: Karnataka govt revokes suspension of former Bengaluru city police commissioner B. Dayananda and 3 others.
